عدوانك مدوخينهه

[الشاعر ابو لقاء البهادلي]

بسم الله الرحمن الرحيم

اللهم صل على محمد وال محمد وعجل فرجهم وفرجنا بهم ياكريم

القصيده بعنوان عدوانك مدوخينهه واسالكم الدعاء

كل العده ياسيدي **** بحبك تره مدوخيهه

**********************

عدنه نهج حسين اعظم مدرسه

يبقه اسمه بكل قداسه انقدسه

امحبته وسط الكلب متأسسه

الماعرف هاذي المحبه انحسسه

منعوف يوم محبته **** بلون الوفه ملونيهه

****************
احنه من مســــــلم تعلمنه الفداء

والكمر عباس علمنـــــــه الوفاء

كلهه ترخص لجلك ارواح ودماء

يبقه رغمن عالعده ايرف اللواء

والرايه مرفوعه تظل **** بارواحنه نفديهه

****************
الموت لجل حسين احله من الشهد

ولو ينسفونه ويــــــفجرونه الجسد

تصير كل ارواحنـــــه طير السعد

ايغرد بنور الشهــــــــاده للابد

هالموته تحله والذبح **** كل السعاده بيهه

**************
انصير مشروع الفده للطاهرين

كطره كطره بالدمه تنادي حسين

بحبك الغالي ترانه امجننين

وبالصبر نحرك جميع الناصبين

بمحبتك وي خدمتك **** هاذي العده عاميهه

**************
احنه عشاكك نظل طول المده

ومن اجل نهج الولايه احنه فده

وداعنك يحسين منهاب العده

ندري كل واحد كتابه وموعده

تشهد الك هي الدمه **** بحاضرهه وبماضيهه

**************

داخت العدوان كلهه وما ندوخ

نرسم بهاذي الدمه لوحة شموخ

قسم مانرضه بمذله ولا رضوخ

بالعزيمه انخلي عدوانك تدوخ

اندوخهه بايمان وعمل **** والرايتك نفديهه

****************

[محـب الحسين]

أجدت اخي العزيز
طيب الله أنفاسك

[الشاعر ابو لقاء البهادلي]

الاخ الغالي والموالي

محـــب الحســــين

لا املك كلاما ارد به لكني اقول

ناس التحب حسين طيبه وفريــده

يدعي الجميع الناس من يرفع ايده

[الـدمـع حـبـر العـيـون]

الموت لجل حسين احله من الشهد
ولو ينسفونه ويــــــفجرونه الجسد
تصير كل ارواحنـــــه طير السعد
ايغرد بنور الشهــــــــاده للابد
هالموته تحله والذبح **** كل السعاده بيهه


اخي العزيز شاع،،ــــــر الع،،ــــــتره
ج،،ـــــــميل واكثر من جميل مانقشته هنا
بـ،ـــــــــاركـ الله فيكـ
وســــــدد الله خ،،ـــــــــــطاكـ
تقبل مني خالص الود والتقدير..

[محب الرسول]

بارك الله بك
وجزاك الله كل خير

[الشاعر ابو لقاء البهادلي]

بارك الله بكم جميعا يااحباب الحسين عليه السلام