قالوا لي هل تحب

[الشاعر ابو لقاء البهادلي]

بسم الله الرحمن الرحيم

اللهم صل على محمد وال محمد وعجل فرجهم وارزقنا شفاعتهم

قالوا لي !!! هل تحب !! قلت نعم !! قالوا اوصف لنا حبيبكi




كالولي تحب كلت اليحب موعيب

الما يــــوفي بمحبــته تكثر اعيوبـه

وادري باليحب يتحمل اللوعات

ومن دمعه اليـــــــهله ايـصير مشـروبه

كالو ياطبع مرغوب للعشاك

كلت طبع الحــــــــــــبيب يصون محــــبوبه

كالو وصفه المحبوبك بأيجاز

وكللّنه الصفـــــــــــــات البيـــه مـــرغوبـه

كتلهم صعب وصف الحبيب بساع

لان قلعه حبيبـي ومن ذهـب بوبـــه

يشع نوره بكماله وبالحسن ايات

ومن اسمه تحس بيه اجمل اعذوبـــه

يسري اويه الدمه حبه ويغذي بالارواح

وعالفطره محبتـــي بلوح مكتوبه

حبيته محبه الماتحدهه احدود

واعرّفنّه شيريد وشنهي مطلــــــــــوبه

وبحر العشك غطيت حد الراس

واقدس هالحبــيب واعبــــــــد دروبـــه

مايحله العمر من دونه والايام

واحس بدنـــــيتي بليــــــــــــاه مقــلوبه

وعاداني الذي ماعنده قلب يحب
وعليّه اهل الحـــسد والحقد مجــلوبه

كل ظنهم اعوفه الهالحبيب بيوم

وظنّه الناصبي يخوفنـــــــي باســلوبه

ماعوفن حبيبي اشماجره ويصير

لوبالسيف كطعوني الــــــــف نوبــــه

معقوله ايتخله اللي يحب باخلاص

ويعوف اللي بمحبته تنمحي اذنوبه

حبيت الحسين بعالم الاصلاب

ومن حبه ابد ماصيحن التوبــــــــــــــه

[عبد الحق]

بسم الله
السلام عليكم

الله الله
عذبة رائعة
وجمال ما ابدعه

جزاكم الله خير الجزاء

[الشاعر ابو لقاء البهادلي]

الاخ الموالي والمحب

عبدالحق

بدعاءكم نستمر وبوجودكم نفتخر

شكرا على المرور الكريم

[نهر الشوق]

عطر الله انفاسك

[الشاعر ابو لقاء البهادلي]

الاخت المواليه نهر الشوق

ارحب بك كل الترحيب واشكرك على مرورك الكريم

[الـدمـع حـبـر العـيـون]

وعليّه اهل الحـــسد والحقد مجــلوبه
كل ظنهم اعوفه الهالحبيب بيوم
وظنّه الناصبي يخوفنـــــــي باســلوبه
ماعوفن حبيبي اشماجره ويصير


روع،،ـــــــة جداً ما كتبته
واحساسك فاق كل الروائع
لم استطيع سوى كتابة تلك الكلمات البسيطة جداً
فتقبل مروري ببساطته

[محب الرسول]

بارك الله بك
وجزاك الله كل خير

[الشاعر ابو لقاء البهادلي]

اشكركم يااحباب الحسين عليه السلام

والله انني خجل منكم

ادعو لي بان اوفق في الخدمة الحسنيه

[احزان كربلاء]

والله لا اعرف بأي عباره شكر اشكرك اخي

على كلماتك الجميله جدا جدا

وفقك الله للخدمه الحسينيه

واصل ابداعك هنا ونحن من المستمرين بل قرائه ان شاء الله

[الشاعر ابو لقاء البهادلي]

اشكرك يااحزان كربلاء

على كل حرف كتبته اناملك الكربلائيه