قصيدة (من دمعة زينب لدمعة السجاد *** وشفت الدمعتين بفرد صيوان )

[عبدالله الشاعر]

جرح الصديق ياذي وحيل يجرح
ودم سال جرحي وفيض الكيعان

ودمعي سال بس ماناسي الحسين
وسال دم دمعي وفيض النهران

وميهمني دمعي اشكثر لو سال
ولحسين فدوه لو صرت عميان

روح ابعد صديقي اشعندك اوياي
انه دربي حسين ايهز الاكوان

ودرب المشيته اشلون ينساني
واتراب الدرب ماينسه ولهان

انه دربي حسين وعندي غالي
وانته درب ابليس وبعد شيطان

انه بكد مانحت خلتني الادموع
ورد جوري وافوحن دوم ريحان

ماعندي كلب يتحمل الونات
بس لحسين اون وانكلب طوفان

ليش لوحدك من طحت عالكاع
منهو اليمك ايفزع الاخوان

جريح ابنص ميدان وناس كفار
وعلي عنك بعيدوكمر عدنان

الجريح ابنص عده يتحزم احزام
اله عباس وجف ايفلش العدوان

من دمعة زينب لدمعة السجاد
وشفت الدمعتين بفرد صيوان
ـــــــــــــــــــــــــــــ
بقلمي خادم اهل البيت (ع)
عبدالله العتابي

[احزان كربلاء]

بارك الله فيك اخي على كلماتك الولائيه

وفقك المولى

[عاشقة ام الحسنين]

اللهم صل على محمد وآل محمد وعجل فرجهم ياكريم

احسنت
جزاك الله خير الجزاء

سلم لنا طرحك المفيد