العو ز

[خديجه]

انتي وين واني وين ×××× شكد فرق بين الاثنين
أنتي كومه فلوس عندج ×××× وأني شيخ المفلسين
أنتي كل اكلج نواشف ×××× وأني خبزه وهم عجين
أنتي عندج كعب عالي ×××× وفوكاها درزن فساتين
وأني عندي نعال واحد ×××× ودشداشه وحدة من سنين
... أنتي عالموديل لبس...ج ×××...× وأني ستره ام فتحتين
خوش ستره الناس كالت ×××× تركها جدي شكد حنين
شلون ستره اللون أخضر ××× وبيها ياخه مترتين
تالي طلعت هم كبيره ×××× وما حسبت جدي سمين
أني وزني 12 كيلو ×××× وجدي فوك الوزنتيـــــن
أنتي طب الدش عدكم ×××× والله يعلم من سنين
وأني تلفزيون عادي ×××× ويشتغل بس ساعتين
يشتغل السبت ساعه والأحد ×××× عطلته ومشوش يوم الأثنين
بيه شفت كعبول مره ×××× وماشفت ساسوكي زين
أنتي كل حجيج نزاكه please أنــت ×××× و sorry أنـت hello من تسلمين
وأنه بالجا أحجي ×××× وأدري أنتي ما تفهمين
من المشي رجليه سافت ×××× وأنتي B M تركبين
لا تكوليلي أوصلك ×××× وين رايح لا تسألين
هذا تعبج كله ضايع ×××× لا ما أصعد وأنتي تعرفين
السبب مو عزة نفس تمنع ×××× لا خجل لا لا تظنين
السبب صارلي سنين ×××× حاير يدة الباب وين

[احزان كربلاء]

وربي حلو عاشد الايادي جمييييييييييييييل جدا جدا
تسلمين عزيزتي استمري بعطائك
تقيمي

[عاشقة ام الحسنين]

اللهم صل على محمد وال محمد وعجل فرجهم ياكريم
قصيده رائعه يسلمووؤا