قصيدة(لسه اثار جفك واضحه اعله الجود *** يراعي الضعن والقران والمصحف

[عبدالله الشاعر]

لسه اثار جفك واضحه اعله الجود
يراعي الضعن والقران والمصحف

يالحامل رايه حسين فوك النجوم
رايه من الرسول وعنوان بالطف

وسبع من صال ما حملته الشجعان
تاج حيدر مولاي ونعم ما خلف

ولان اصلك ذهب والباقيات اتراب
مادنكت راسك وحاربت بالجف

ملايين البشر نكرت دين الحسين
وانته من كل هاي الملايين اشرف

رايات وزلم اتلملمت بالميدان
وسيفك ياحيد بالميدان ماجف

ياسبع الكنطره البجفوفه اتطيح
اركاب الزلم واجفوفك بعد مصحف

كلبي اعله الكمر مادام بيه دكات
ودكاتك يا كلبي اشلون تتوقف

دمعه البلعين هليتهه امن اسنين
الجانت بالعيون وياك تتشرف

معذور اليودك لو مات حزنان
يالجفك حرم كعبه وصولتك اشرف

ويا اجمل اسم ناداك حيدر بيه
كمر هاشم صاح بالعدوان وهتف

يبن حيدر علي الما خيب الامال
واريدك بالضعينه اليوم تتكلف

يبن ذاك الشجاع اجيت اليوم انخاك
واريدك بالعطاشه اليوم تتلطف

انه ابروحي الذنوب اتسيل منهه اذنوب
وذنوبي اليوم ابحضرتك تتنظف
ــــــــــــــــــــــــــ
بقلمي خادم اهل البيت(ع)
(عبدالله العتابي)

[عاشقة ام الحسنين]

اللهم صل على محمد وآل محمد وعجل فرجهم ياكريم
يعطيك العافية على الكلمات الرااائعة
بارك الله فيك على الانتقاءك المتميز ومتألق