المساعد الشخصي الرقمي

مشاهدة النسخة كاملة : قصيدة (زينب الجود كافلها-----رفعتها ابخت مولاي) بحر طويل


عبدالله الشاعر
28-05-2013, 10:19 PM
زينب الجود كافلها-----رفعتها ابخت مولاي
تستنظر ابخيمتها-----سالم يرجع الوفّاي
ـــــــــــــــــــــــــــــــــ
ودعها عباس وظلت --- الجيته تهمل الدمعات
تكله يالغبت عني --- ومن بعدك اظل هيهات
ياخويه الفرات ابعيد --- ومن عنده شفت لوعات
تموت الاخت ياخويه --- لو سمعت اخوها مات
يلوحيد الضميتك ابرمش العين خليتك
انه العقيله الماشيتك
ومن رجع راعي الجود ابسيفه ورايته والماي
ــــــــــــــــــــــــــــ
راح وبكت متحيّره --- ولازم اتشوف الرايه
نشمي تدري كافلها --- ولازم يوصل المايه
ومن اتعطل وليها --- راحت لحسين عنايه
ياريت الفرات يشيل ---- ولايبقه اثر مايه
وطول العمر ياذخري محد شايف الخدري
ياخويه انكسر ضلعي
لامن ماي واطفالي ياخويه بكه وياي
ـــــــــــــــــــ
الغالي رجع للميدان --- وظلت بالخيم اخته
ابعيد الماي ياحيدر --- واشوفه ياعلي يمته
ماي الفرات يازينب --- وعد يازينب وجبته
مثلك ياعلي حماي --- ومثلك ياعلي شفته
السيفك من جنت انظر ابجفه الكرار وياي
يالغالي يبعد الروح
اختك زينب اتناديك --- ساحات المصايب هاي
ــــــــــــــــــــــــــــــــ
بقلمي خادم اهل البيت(ع)
(عبدالله العتابي)

عبد الحق
29-05-2013, 09:36 AM
بسم الله
السلام عليكم

الأخ العزيز والشاعر القدير
عبد الله العتابي

بارك الله فيك أيها الولائي الجميل

وجعلها في ميزان اعمالك ووفقك لكل خير

ودمت في رحاب سيدتي العقيلة

وشكراً جزيلاً لك

محـب الحسين
29-05-2013, 11:15 AM
أجدت اخي العزيز
طيب الله أنفاسك
وجزاك أحسن الجزاء

عاشقة ام الحسنين
20-06-2013, 03:45 PM
اللهم صل على محمد وآل محمد وعجل فرجهم ياكريم
سلمت يمناك على الكلماتك الراائعة والنورانية
أحسنت على الطرح المبارك
بارك الله فيك على الانتقاءك الراااقي وجميل