عشق علي (ع)هذه القصيده من كتاباتي ارجو ابداء رأيكم فيها

[علي مولاي]

:55555":
افضل الصلاه علي محمد واله محمد

عشكتك ياعلي وحبك سكن بالروح ***وبنص الكلب حبك صبح مصدر
وصارت دكته مره يبو الحسنين ***ومره تصيح داحي الباب ياحيدر
من زغري هويتك يا امام الناس ***واصبح بالكلب هسه هواك اكبر
امير المؤمنين وتاج فوك الراس ***والعاداك صدك سيدي يخسر
لان حبك فربضه انكتبت اعله الناس ***والماحب علي لاخير يتنطر
لان الخير انته وبيك رحمه ونور***بارينه شهدلك يا اسد خيبر
ياعروة الوثقى ويامعز الدين ***ياحامي الدخيل وبالشدد تحضر
ياعترة محمد يابطل صفين ***يالبيك المعارك سيدي تفخر
يازوج البتول وناصر المظلوم ***يمن تاج العداله بنورك تنور
تحت عرش الاله الخالق الجبار ***اسمك ويه اصحاب الكساء يذكر
لو كل البشر حبت علي الكرار***جان النار يوم الحشر ماتسعر
يانفس النبي وباب العلم والدين ***طبعك زاهد وبالدنيا ما تنغر
يادر ياذهب صديق يافاروق***ياشجرة كرامه وبالصبر تزهر
مثل صبرك يحيدر ماصبر مخلوق ***من صبر النبي المختار تتصبر
ياسر الاله وياعمود الدين *** بسمك ياعلي يندفع كل الشر
عن ولايتك ماننتحي مولاي ***وعن زيارتك مايوم نتأخر
حبيناك عالفطره يداحي الباب***وعلى حبك نموت ونحيى ياحيدر
جنه من الجحيم اسمك يبو الحسنين***ومن فوك الصراط بصايتك نعبر
ياقوت الفقير ووالد الايتام *** يمن كل عين تنظر هيبتك تنسر
اريد اطلب طلب بالخاتمه مولاي***شفيع انريدك النه هناك بالمحشر

ارجو ان تنال اعجابكم:65:

[محـب الحسين]

قصيده رائعه
جزاك الله خير وفي ميزان اعمالك
ان شاء الله

[الدمعة الحزينة]

اريد اطلب طلب بالخاتمه مولاي***شفيع انريدك النه هناك بالمحشر
قصيدة في قمة الروعة والجمال
بارك الله بيك أخي وجزاك الله خير الجزاء
hf

[:: بحر ::]

قصيدة جميلة
بارك الله بك

[عاشقة الابتسامه]

قصيده رائعه

وكلمات جميله

سلمت ايدك اخي

والى الامام دائما

[سكون الليل]

قصيده رائعه
جزاك الله خير وفي ميزان اعمالك
ان شاء الله

[أم خولة]

جزاك الله خير قصيدة روعة
يسلموا في انتظار جديدك اخي:52: