تويت
عظم الله اجوركم احبتي بذكر استشهاد الامام موسى بن جعفر عله السلام
واقدم هذه الدارميات صور عن لسان حال واسالكم الدعاء
1- عن لسان حال الامام الكاظم عليه السلام
***********
بغربه وسجن مهجورخلتني دنياي
بالكظم والسجدات ذليت انا اعداي
ــــــــــــــــــــــــــ
ساجد اكظي الليل صايم اصبح
حتى القيود اوياي تقره وتسبح
ــــــــــــــــــــــــــــ
ادعي الجليل بشوك كل ساعه ادعيه
ماخايف من اسجون بس ردت الاكيه
ــــــــــــــــــــــــ
2- عن حال لسان المهدي عج
ياجدي تعلم زين تدري بمحنتي
ماانسه ثارك يوم ذمــــه بركبتي
ـــــــــــــــــــــــ
جيتك انا بهـــــاليوم ابجي بحضرتك
وبعيني شفت اثار تزهي بـــسجدتك
ــــــــــــــــــــ
وي شيعتك هاليوم حاضـــــــر يجدي
وكلهه بالم وبشوك منتـــــظره وعدي
ـــــــــــــــــــــ
3- لسان حال زينب عليها السلام
ياعمه كثره اليوم جـــــــــتك مواكب
وعمتك صفت هاليوم بين النواصب
ـــــــــــــــــــــ
بمصابك اتعـــــــــنيت للكاظــــــــميه
وانظر يعمه بنوح للغاضـــــــــــــريه
ــــــــــــــــــــــــــــــ
شيعتنه يمي بــــزود رفعت لوانه
ذكرتني بالعبــــــــــاس لمن تفانه
ــــــــــــــــــــــــــــــ
4- عن حال لسان الشيعه
بكظمك عبر وادروس للرافضيه
ما نخشه من ظلام والناصــــــبيه
ــــــــــــــــــــــــــ
ماشفنه فد مسجون حاجه الزناجيل
واغلاله بالســــــجدات رتلت تراتيل
ـــــــــــــــــــــــــــــــ
للكاظم الانصار طلعت تشــــيعه
والمهدي جاي اليوم ياخذ البيعه
ــــــــــــــــــــ
جينه نشيعه اليوم نســـــــحك عالجراح
ورمزي النعش مصنوع من دم الارواح
ــــــــــــــــــــــــــ
تعليق