يعنوان الحزين * يعبره للسجين

[الشاعر ابو لقاء البهادلي]

اللهم صل على محمد وال محمد ستحل علينا ذكرى استشهاد

الامام موسى بن جعفر عليه السلام اسال الله تعالى ان يعظم اجوركم

واقدم بعض القصائد قبل حلول المناسبه واسالكم الدعاء



ميمــر


يعنوان الحزين *** يعبره للسجين

يامذهبي *** يبن النبي

***********

بالسجده انته حاربت كل عدوان

وحطمت عرش الطاغيه والسجان

كل جعفري كظمك صبحله عنوان

بالصبر كلش انحققه والايـــــمان

ياسابع الانوار *** يامنبع الاطهار

يامطلبي *** يبن النبي

************

انته امام واحنه دوم انطيعه

تبقه بعدهه مستمره الشيعه

الكل الاوامر بالنهج مطيعه

للموت حبكم سيدي منبيعه

نزحفلك ونزور *** نوفيلك النذور

نحبي حبي *** يبن النبي

*************

رغم السجن وي محنـــتك والالام

بالكظم حاربت البدع والاوهــــــــام

سجدتك مثل الصاعقه وجنهه اسهام

صوبت كلب المارشد والــــــــــظلام

ياشرف الانساب *** يااطهر الاصلاب

ياسببي *** يبن النبي

*****************

يبن البتول الطــــــــــاهره النقيه

الشيعه تدري بالعــــــــــهد وفيه

كل عام تصنعلك نعش رمزيـــــه

خدمة العتره الكل محب هويــــــه

وي كسرة الضلوع *** ماتنسي الدموع

دموع السبي *** يبن النبي

******************

مصابك يبن جعفر هضم هضمنه

خدام كلنه نصير ألك نتــــــــمنه

بالخدمه هاذي نلكه بيهه أملنه

بدفتر خدم يالكاظم اتســــجلنه

بالخدمه والوفاء *** نوهبلك الدماء

صلب الوصي *** يبن النبي

*****************

أبواب انته للكرم والنـــعمه

والنور من عندك يزيح الظلمه

والما يشوفه للضوه كلبه اعمه

هاليوم أسد بغداد بيه تتسمه

يامنهج الآيات *** يالتكظي بالحاجات

نهج الولي *** يبن النبي

******************

هارون وينه الحاربك وقصوره

ذليته انته وهدمت كل ســوره

ذكرك خلد يبن النبي شع نوره

بكلبه طبعلك كل موالي صوره

ياصورة الايمان *** يمحير العدوان

ياعربي *** يبن النبي

***************

[محب الرسول]

جزاك الله كل خير
في ميزان اعمالك

[** خـادم العبـاس **]

بارك الله بك
مودتي

[الشاعر ابو لقاء البهادلي]

شكرا على المتابعه والمرور

وشكرا على كل حرف رددتم به