تويت
اللهم صل على محمد وال محمد ستحل علينا ذكرى استشهاد
الامام كاظم الغيظ عليه السلام اسال الله تعالى ان يعظم اجوركم واقدم
بعض القصائد قبل حلول المناسبه واسالكم الدعاء
وزن شيعتي
باللوعه متعنين *** للكاظم وماشين
تزحف زحف الاجموع *** وتهل دمه الدموع
********************
يالتناشد عن كصدنه *** وشنهي اسرار القضيه
ولو تكول المن تعنت *** هالحشود الجعفريه
موعد اويه الكاظم الهه *** عالجسر بالكاظميه
توفي كل عام بوعدهه *** وتلتقي بابن الزجيه
تحيي الامر للدوم *** عاللي كظه مسموم
تعلك مهجهه اشموع *** وتهل دمه الدموع
**************
هذا ابن نور الرساله *** جده شال الرايه بيده
وعلمه من باب المدينه *** عايش ويسري بوريده
هذا ابن فخر الشريعه ** سيفه اسس للعقيده
هذا ابن الضحه نحره *** وضحه بعياله وعضيده
ظنهم يطخ الراس *** ويصافح الارجاس
ضحه وسكه الفروع *** وتهل دمه الدموع
**************
اطهر الناس بزمانه *** واشرف العباد وازهد
عمره خلص بالعباده *** يعبد المعبود الاوحد
بالكرم وارث كرامه *** واطيب من الناس واجود
صبره ما واحد يصبره *** بالكظم هو التفرد
جده النبي المختار *** وتحاربه الفجار
يذكر كسر الضلوع *** وتهل دمه الدموع
*********************
بالسجن ضاك المصايب *** الصبره خضعت كل مصيبه
وحالة الارهاب تدوي *** بالسجن كلش رهيبه
منعو أعليه الزياره *** وسجنه بديار الغريبه
كظمه وي صبره وهمومه *** معجزه وصارت عجيبه
أبن النبي مسجون *** نوح وقهر وشجون
كلشي عليه ممنوع *** وتهل دمه الدموع
*********************
والسجن طاموره سوده *** صعبه جانت كل ظروفه
دمعه يتجاره أعله خده *** ويذكر حسين وطفوفه
ومن كثر هضم الليالي *** ومن كثر ظيم اليشوفه
خضعت السجانه لجله *** وسبح الكيد بجفوفه
خله الحديد ايصيح *** من كثرة التسبيح
ظل الصده مسموع *** وتهل دمه الدموع
*********************
بالغدر قدموله سمهم *** بلا ضمير ولا شهامه
ظنهم يطفوله نوره *** وينتهي نهج الكرامه
وبأمر رب الجلاله *** شعت انوار الامامه
ويظهر بأخر عصرنه *** يظهر المهدي بعلامه
يطلع ينادي الثار *** وبأيده ذوالفقار
ينادي بكلب مفجوع *** وتهل دمه الدموع
*********************
تعليق