بالسجن ظلموك يبن المصطفه

[الشاعر ابو لقاء البهادلي]

ستحل علينا الذكرى السنويه لاستشهاد الامام موسى بن جعفر عليه السلام

اسال الله تعالى ان يعظم اجوركم وقررت ان اشترك ببعض القصائد قبل المناسبه

واسالكم الدعاء


بالسجن ظلموك *** يبن المصطفه

وحزن الليالي *** بجفونك غفه

****************

سجن الطواغيت *** محرابك صبح

بصبر وتراتيل *** هارون انذبح

والي يعاديك *** عمره ماربح

بيوم القيامه ** كلشي تكشفه

*************

اصبح سجودك *** نار اعله العده

ترميهم اسهام *** بايد مكيده

كيد وسلاسل ***صرت اتناشده

بالسر تحاجيه *** وعلم وعرفه

******************

ياكاظم الغيظ *** يبن المرتضه

بالكظم خطيت *** اكبر موعظه

صارلنه تشريف *** اسم الرافضه

بغداد للدوم *** بيك امشرفه

******************

ظنهم يخوفوك *** بالجور وحبس

اسست للناس *** منهه اعظم درس

صارت علامه *** بالحاضر وامس

كلهه صورنه *** تعجز توصفه

*****************

اسرار للغيب *** صارت سجدتك

ونور النبوه ***يزهي بجبهتك

تعجز هالاقلام *** توصف محنتك

ياسر الاسرار *** محد يعرفه

******************

دمعات العيون *** دم محمله

عندك علامه *** من طف كربله

تذكر مصايب *** الحسين وهله

وكل الحراير *** كيد امجتفه

*****************

رغم المئاسي *** والام وهضم

ذليت هارون *** بايمان وكظم

بصبر الامامه *** حاربت الظلم

شمسك مغابت *** نورك ماطفه

*************

[محب الرسول]

جزاك الله كل خير
في ميزان اعمالك

[** خـادم العبـاس **]

احسنتِ
بارك الله بك

[الشاعر ابو لقاء البهادلي]

بارك الله بكم اخوتي وعظم اجوركم

وشكرا على المرور والمواصله