تويت
اللهم صل على محمد وال محمد ستحل علينا ذكرى استشهاد
الامام موسى بن جعفر عليه السلام اسال الله تعالى ان يعظم اجوركم
واقدم بعض القصائد قبل حلول المناسبه واسالكم الدعاء
نصاري + تجليبه
سلامي لبو السجده الطويله * بمصابه المحب ينزف دليله
ياسابع امام ونور للعتره * يعنوان الصبر للي خلص صبره
*********************
لبو السجده الطويله ابعث سلامي * اني الرافضي وهو امامي
حب ال النبي اصبح وسامي * يعجز مايوصفه اعذب كلامي
اذا حبهم رفض هو اختياري * واكبر رافضي اني بقراري
رفضك للظلم ياسيدي عبره * يعنوان الصبر للي خلص صبره
*********************
يشبه بالوصف موسى وعصاته * وماخذ من علي صبره وصفاته
العباده والزهد صارن حياته * ويعلم ياوكت ساعة مماته
من وجهه يشع نور الامامه * وكظم الغيظ اصبحله علامه
جيناك بحزن ونجدد الذكره * يعنوان الصبر للي خلص صبره
******************
اخذ من الكليم اسمه وخصاله * ومن جده اخذ علمه وكماله
وجي منه يشع نور الجلاله * عادوه بالحقد اهل الظلاله
الخليفه المورشيد وكل غروره * وكل ذيجه سجونه وذاكه جوره
حلمك والكظم سله وكسر ظهره * يعنوان الصبر للي خلص صبره
*****************
ارجاس البشر بس همه عادوه * جي جده نبي هالكوم ضدوه
من سجن السجن ياوسفه داروه * ظنو يطفه نوره لون سجنوه
بدد كل ظلام ونوره ماغاب * وكل ذاكه السجن اصبحله محراب
كلشي الي جرالك انته بيه ادره * يعنوان الصبر للي خلص صبره
*********************
صايم بالنهار وقايم الليل * وساعاته التمر تسبيح تهليل
لسانه يرتل القران تهليل * ياويله الذي عاداه ياويل
خلصت العمر صابر ومظلوم * يااشرف سجين الكظه مسموم
خصمهم بالحشر هادينه والزهره * يعنوان الصبر للي خلص صبره
*************
عله ذاكه الجسر وبلايه تغسيل * طرحوهه الجنازه ابين صوبين
باستخفاف نادوه الملاعين * امام الرافضه ناده المنادين
ثارت شيعتك ماعرفت الخوف * واخذوهه الجنازه بزود الاسيوف
غسلوك بدمع شيعوك بالحسره * يعنوان الصبر للي خلص صبره
*********************
انته المعرفه وانته المفاهيم * وقومت الشرع بالعلم تقويم
الك ارواحنه انسلمهه تسليم * لجلك كل سنه انقيم المراسيم
نصنعلك نعش وتشيعه الارواح * رغم الناصبي وكل نذل وذباح
تظل راية علي للدوم منتصره * يعنوان الصبر للي خلص صبره
تعليق