تويت
اللهم صل على محمد وال محمد ستحل علينا ذكرى استشهاد
الامام موسى بن جعفر عليه السلام اسال الله تعالى ان يعظم اجوركم
واقدم بعض القصائد قبل حلول المناسبه واسالكم الدعاء
الكاظم مايرد واحد اذا ينخاه
يكظي حاجته ويلبي كل دعواه
******************
الكاظم بالعباده اتلقب الرهبان
ينضح بالعلم والعصمه والايمان
بالمحشر أله عالي ورفيع الشان
الباري بالمكارم خصه والاحسان
يكظي حاجة المحتاج لو ناداه
********************
الكاظم للعقيده ضحه اطهر دم
انطانه موعظه واشرف نهج سلم
من صيره وصفاته ايريد نتعلم
حتى بالحشر ياشيعه مانندم
من عدنه يريد انسير وي ممشاه
************************
الكاظم يالموالي ايريد منا افعال
ميفيد الحجي ماتنفع الاقوال
عله صدق النوايه معلكه الامال
وميزان الكلام اتوضحه الاعمال
اختبار ايصير للمؤمن كثر بلواه
*****************
الكاظم من نبع غيره وكرم واطياب
يتلكه اليزوه ويفتح الابواب
كل مخلص موالي يسجله عالاحباب
ويحضر بالحشر لو صار يمه احساب
يحضرله الامام بنفسه يتلكاه
****************
الكاظم للذي يوفيله يوفيله
وللمخلص تحيه بذكره يهديله
اذا حيله نحل هو اليشد حيله
ينطي امراده لو فديوم يشكيله
لان ماخذ اجازه من رسول الله
*********************
الكاظم للحوايج كلهه يكظيهه
وارد انقل قضيه وحده احجيهه
بنت الوائلي من اجله يشفيهه
عالمنبر حجاهه ويفتخر بيهه
هالخدمه الخدمهه حققت مسعاه
****************
الكاظم بالكرم هالعاليه اصروحه
كريم وهالكرامه تسكن بروحه
ومن اجل الحوايج بابه مفتوحه
يداوي كل محب ويضمد اجروحه
لو مره حضر يم بابه يترجاه
****************
تعليق