تويت
بسم الله الرحمن الرحيم
اللهم صل على محمد وال محمد
السلام على المعذب في قعر السجون
اقدم اليكم فزاعيه من البحر الطويل واسالكم الدعاء
عالموعد تعنينه ** يالكاظم تلكانه
ــــــــــــ
خلصت العمر مظلوم
تاليهه بسجن مسموم
ماننسه مصابك يوم
امصابك والله اذانه
ـــــــــــــــــــــ
امام الرافضه لقبوك
جي جدك نبي سموك
ظنهم شيعتك ينسوك
كلهه بيـك ولهانه
ـــــــــــــــــــــــ
جينه اليوم مشايه
بحبك نرفع الرايه
نبقه اوياك وفايه
ندري الدنيه خلصانه
ـــــــــــــــــــــ
تعلم سيدي اشبينه
جينه انشيعك جينه
نتحده اليعـادينه
المهدي حاضر اويانه
ـــــــــــــــــــــــ
الشيعه بالدمه تفداك
كلهه طلعت الملكاك
موعد عالجسر وياك
والملكاك عطشانه
ــــــــــــــــــــــ
ميهمنه ابد هالموت
نسحك عالخطر ونفوت
رفعت شيعتك هالصوت
تصيح بصوت هاذ اّنّه
ــــــــــــــــــــ
نبقه بهالدرب ماشين
مانضعف قسم ونلين
نقسملك وحق احسين
باسمه رفرف الوانه
ـــــــــــــــــــــ
احنه اهل العزم والباس
نقسم مانطخ الراس
عدنه غيرة العباس
نتحده التحدانه
تعليق