تويت
بسم الله الرحمن الرحيم
اللهم صل على محمد وال محمد وعجل فرجهم وفرجنا بهم ياكريم
هذه القصيده سبق وان اشتركت بها لكني قمت باضافة بعض الابيات عليها
وافتحتت بها العزاء المركزي الذي اقامته مدرستنا مدرسة الرادود الحسيني
مع بقية القصائد لشعراء المدرسه واسألكم الدعاء
صبرزينب مدارس دوخ الاجيال
وعزمهه امن الوحي باعجازه يترتب
أهي بنت الصميده وهالاســد معروف
وحكمة لبوته سيــــــــــفه الذي امجرب
وياهو الكال خافت من صهيل اخيول
ومنهو الكال خدر الطـــــــــــــاهره اتسلب
زينب بالنفس ماشافت الهه اخيال
وأهي بحر الخدر منه الخــــــدر يشرب
هم شفتم جبل راسه انخفض للريح
لو شفتم بحر من كطـــــــــــــره يتعجب
ذلت بالصبر اهل الظلم والجور
جم ايزيد اجه ومر بيهـــــــه جم مصعب
رفعت صوتهه من ذلتي هيهات
وتبت كل خلافتــــــــــــــكم وامركم تب
دكت للصمود الثايه من ادموع
وعلى شاطي الصبر صارلهه جم مركب
عزيزه ادموعهه من تنزل بايات
ترتلهه بدمــــــــــــــوع العين من تنصب
ومحتاره البشر من صبر اخت عباس
لان صبرت عله الادهه وامـــر واصعب
شكتب ياشعر ومنين اسولف بيج
وانتي من الشعر اقدس وارق واعــذب
حيرتي الفلك واحتارت الاكوان
وحور العين لجلج تلــــــــــــــــــــــــطم وتنحب
ماظن فد نبي شافه الذي شفتيه
شفتي اطــــــــــهر جسد من هدمه يتســــلب
انتي للصبر وبكل فخر عنوان
واميره بكل شرف للـــــــــخدر تتلقــــــــــــــب
من صبرج خجل يوسف خجل يعقوب
وصبرهم ذره من صبــــــــــرج ميتقـــــرب
وتاريخ الصبر واكفلج استعداد
واخذ اشـــــــرف تحيه وانـــــحنه وحــــــدب
سلامٌ خُذ تحيه من الملك باجلال
للحره العقيله الطاهره زينــــــــــــــــب
ونوه عباس ياخذلج تحيه شلون
جفوفه مكطعه بهالموقــــــــــــــــف تعــــــــذب
قلب نهر الفرات وصاغ منه جفوف
واخذلج هالتحيه بدمـــــــــــــه المخضـــــــب
تعليق