قصيدة(ابد ما تنوّصف ياحيد بالصعبات)

[عبدالله الشاعر]

ابد ما تنوّصف ياحيد بالصعبات


وابد ما تنّحكم والجبل فلّشته

صح انزف دمع بس الدمع شيفيد


وانته اية صبر والصبر عجّزته

يالجفّك دوه وخلّه الشمر خايف


وبجّيت الزلم والشمر ضيّعته

وجود الجفيل معروفه عند الناس


شما سمع طفل حن ومالت جربته

ومن شافك الضامي يا جفيل ارتاح


والراد الماي بالخيّم شرّبته

ومن شافك عليلك ياجفيل ارتاح


وعليل حسين بالخيّم طيّبته

يا اوّل شهم لوه اخشوم العفنين


ويااوّل رفض للماي من شفته

ويا اجمل اسم سمّاك حيدر بيه


ويا اجمل بدر بالكون شرّفته

من جودك خلاص العطش ياحيد راح


وشهم راعي الجود والماي جبته

يبن حيدر علي الماخيّب الامال


ويا حيد الطفوّف ونعم ما شفته

يالحامل راية حسين فوك النجوم


شبل حيدر علي والشمر حيّرته

وحسين من جيّتك يا صاحب الجود


وانته ابجيّتك يا كمر فرّحته

ومن شافتك زينب ياعزيز الروح


وصاحت ياكلب والكلب هيّمته

وعلي لهاذه اليوم ياحيد ضمّك


وانته ياحيد بالصولات فلته

ومن صولتك للماي ظل الكلب نار


ونار الكلب ويادوب لازمّته

ومن شافتك زينب ياجفيل الضعن


وياحيد الزلم والكلب طيحته

ومن شفتك ياماي الفرات حسّيت


بالكلب ويّاك واليوم ذوّبته

ابد ماتستاهل يافرات ارحمنّك


وهيهات احبنّك وانته عذّبته

ابد ما تستاهل يافرات اكتبنّك


وبجّيت القلم والكلب كطّعته
__________________


بقلمي
خادم اهل البيت(ع)
عبدالله العتابي

[عبد الحق]

بسم الله
السلام عليكم

جميل أخي الشاعر عبد الله
طيب الله انفاسكم الزكية
وجعلها في ميزان امالكم

[عاشقة ام الحسنين]

اللهم صل على محمد وآل محمد وعجل فرجهم ياكريم
بوركت يمناك على الكلمات الرااائعة
بارك الله فيك على الانتقاءك المتميز ومتألق

[** خـادم العبـاس **]

احسنت
بارك الله بك

[* || نور على نور ||*]

اللهم صلِّ على محمد وآلِ محمد
أحسنتم وبوركتم
طيّب الله أنفاسكم الولائيه
دمتم ودآم جميلُ عطاؤكم
موفقـين يّارب