قصيدة(ليش لوحّدك من طحت عالكاع)

[عبدالله الشاعر]

ليش لوحّدك من طحت عالكاع
ومنهو الكبّلك ونكط الماي

جريح ابنص معركة اولالك معين
والكمر عنّك بعيد اشلون هاي

اليطيح ابنص عده يتحزم احزام
عليه عباس وحيل ايشيل بهداي

واشوفك وحّدك وانته الكمر جان
ويّاك وصدك يروي العطش ماي

لو جان حاضر يمّك هسة عباس
ترد لخيّمتك جاهسة حمّاي

ليش لوحّدك من غير حمّاي
ومنهو الجان يمّك من كلت ماي

غريب لوحّدك بس زينب اتصيح
كوم حمّاي الضعن وفرح اجلاي

يراعي الضعن شدة ويوم من يوم
وفرق ما بين يومي ويومك اهواي

عباس وصدك طاح الدمع بالراح
من شفت الشمر صد وهجمت اعداي

واريد ابجي الدهر واليوم احاجيه
زيدني الدهر لوعات وبعد داي

وهلّت ادموع دنياي وجان دم
وكبل اليوم ابد ما بجت دنياي

+++بقلمي+++
خادم اهل البيت(ع)
عبدالله العتابي

[محـب الحسين]

أجدت اخي العزيز
جزاك الله خير الجزاء

[صـبا]

اللهُمَّ صّلِّ على مُحمد وآلِ مُحمد وعجل فرجهم والعَن عدوَّهم
السلام عليكُم ورحمة الله وبركــآته
يالله
وحق الكفيل كلمات تلامس شغاف القلب
بارك الله بك وبقلمك

[عاشقة ام الحسنين]

اللهم صل على محمد وال محمد وعجل فرجهم ياكريم
تسلم الأناملك على القصيدة الراااائعة
سلمت على إبداع الباهر ومتميز