راية وترفرف بجف الكمر راية

[نجمة البصره]

راية وترفرف بجـف الكمر راية
ومنصوبة يم شاطي النهر راية
وبيهه انعـقـد ستـر الخـدر راية
.....
راية الطف عـد كفيلي من حملهه جـان اصلهه عـلم حيدر
راية جانت بالمعارك تسجدلهه جيوش كلهه وحصن خيبر
جـف عـلي بس الرفعهه غـيـر محد يعـرفـلهه وياهو يكدر
بالحرب سيف بيمينه وبيدة راية بيه يرسم احـلى منضر
حيدر بالشجاعة معلمه حيدر
جفوف راعي الموزمه حيدر
وخدري بالطـف سلمه راية
.......
راية الاسلام هـاي المثلته وبيه غاية للبـراية ومن نبينه
الله خـص بيهه محمد مـن البداية وللهـداية وخـصه بينه
نـزل جـبريـل بوصيـتة وبـيـده ايـة للـولاية بجـف عـلينه
احـنه اسـسنه الـقـواعـد للـعـبادة ونـوح وادم والسـفـينه
احـنه للحـق العـلامه احنه
عـدنه قانون الامامه احنه
نرفـع بيـوم القـيـامه راية
......
حامل الـواء العـقيدة ابو فـاضل بالارادة والـقيادة العـلويه
وارث فنونه الوحيدة من يقاتل ابجهادة والعمادة الحيدريه
غايته حيدر يريدة يبقه كافل بالسعادة وللشهادة الهاشميه
تـشهـد الـراية بـوجـودة يملي جـودة منه رجـفـت ال اميه
كافـل بغيرة الخدر كافل
وانه افديله العمر كافل
شفت بيده عالنهر راية
.......
مـن سمع الاطـفـال تبجي مـن ضماها اعـتـناها يسمعـلهه
اخـذ جود وللشريعة بغيرة يمشي من اجاها دموعه هلهه
بالعـطـش يا سكنه تشكي وبدعاها الماي جـودة يترسلهه
عـمي العباس صاحت هاليـتـامه وسكـنه رادت ترجعـلهه
ارجع وحيدة هلحرم ارجع
ياعمي ياجـود الكرم ارجع
ترجع الي بجفـك علم راية
........
عالنهر زينب تشاهد راية لاحت عمه صـاحت جاكم الماي
ارجـع اطـفـالك ضماية وكـل فـكـرهم ترجعـلهم انته وفـاي
كلهه يازينب عيوني ونتي تدرين ارخصلهم هاي وي هاي
وانزع اجفوفي لاجلهم من اطيحن هاذي راية طاحت وياي
زينـب تـلـوذ برايتـك زينب
من تنفجع بمصيبتك زينب
خدر الوكع يم رايتك راية
........
الشاعر
اياد الفرح

[عاشقة ام الحسنين]

اللهم صل على محمد وال محمد وعجل فرجهم ياكريم
مشكورة على الطرح الجميل
يعطيك العافية

[نجمة البصره]

مشكوره حبيبتي على ردك

[* || نور على نور ||*]

اللهم صلِّ على محمد وآلِ محمد
أحسنتِ وبوركتِ عزيزتي
اثابكِ الله وجزآ كاتبهاآ خيرُ الجزاء
موفقه يارب
دمتِ ودامَ عطاؤكِ
تحياتي

[محب الرسول]

جزاك الله خيرا

[نجمة البصره]

اشكركم على ردودكم الرائعه نورتو صفحتي

[نجمة البصره]

اشكركم على ردودكم الرائعه منورين صفحتي

[دمعة أهل البيت]