ام البنين عليها السلام

[نجمة البصره]

انه لهليوم ربيتك **** تكرعيوني ياريتك


بيوم التمشي وي حسين **** يوليدي توفي الدين


تكر عيوني ياريتك



سماك الوصي عباس الاسد يوليدي معنى اسمك


الاسد يرفض يعيش بذل وتبصم للوفــــــه بدمك

اريدك تمشي وي حسين يبحر الجــــــــود شيلمك




وتكله اني فـــداء حسين ونضم حسين ويضمك


يعباس وتكر عيني **** ينور وشمعة سنيني


لهلساعه تنيت سنين **** يوليدي توفي الدين


تكر عيني تمنيتك



ابشري انه شبل حيدر وباجر يمه شوفيني


انه ابن الكرم والسيف وصورة والدي بعيني


انه العباس انه الوفاي اوفي بكل وكت ديني


انه لحسين ابو السجاد ناذر عمري وسنيني


اخو زينب انه العباس **** بيه بس علي ينقاس


ابن الضارب برمحين **** يوليدي توفي الدين


تكر عيني تمنيتك



تكوه يا شبل حيدر اكرعيوني بوجودك


بهذا اليوم يا عباس وصانيعلي عودك


تحمل رايته بيمناك وتروي العايله بجودك


بارض الطف اريد هناك يبني توفــــي بعهودك


تحمل رايتك والجود **** يامن بالوفه معهود


وترد العده صوبين **** يوليدي توفي الدين


تكر عيوني ياريتك



تكفلت بخدر زينب ودكيت العلي صدري


ماعوفن كفالتهه قسم باللوح والعصري


ييمه لا توصيني انه بهل لامر ادري


زينب بالنبض بالروح زينب بالهوه اليسري


انه اعله العهد وياج **** يايمه واكر عيناج


اقدم عيوني والجفين **** يوليدي توفي الدين


تكر عيوني ياريتك



تذكر يمه من اصباك اعله حب حسين ربيتك


يضنوة حيدر الكرار ومعروف الوفه بصيتك


الجفيل الضيغم الضرغام من اصباك سميتك


توكل يبني الله وياك بعين الباري خليتك


بيسارك رايتك وياك **** يبني وزينب بيمناك


اخوتك عل العهد ماضين **** يوليدي توفي الدين


تكر عيوني ياريتك



يبني وياك عبد الله وعون وجعفر الطيبين


يبني لنصرت المظلوم وياك بهالدرب ماشين


وفه للزهره اقدمكم ييمه اوالــــــدي الطيبين


اضحي بيكم وبالروح بس سالم يـرد حسين


لبو السجاد اقدمكم **** واحني جفوفي من دمكم


وياكم الله يالماشين **** يوليدي توفي الدين


تكر عيوني ياريتك

[عاشقة ام الحسنين]

اللهم صل على محمد وال محمد وعجل فرجهم ياكريم
مشكورة على الطرح الجميل
يعطيك العافية

[نجمة البصره]

اشكرج حبيبتي على ردج

[محب الرسول]

[نجمة البصره]

مشكور اخي على ردك الجميل