سكون الليل
29-05-2009, 06:50 PM
كبل سنين
كبل سنين جنه زغار أحلى اثنين انه وياهه ربينه
لعبنه هواي ضحكنه هواي ولا فد يوم ملينه
واليمر بينه عرفنا وكال ذوله احنه بكل معانيته
مشينه وأيد تشبك أيد من يكدر يلاينه
تعاهدنا نظل للدوم سوه محد يجافينا
وعلى الشجرة رسمنا كلوب واسمها واسمي خطينه
لأكن نسينا الوكت من يغدر يبيع ويشتري بينه
ونسينه الوكت ما يرحم وتبعنه الوكت ومضينه
أتفقنه بيوم عالخطبة وأخذت أهلي وتعنينه
كلت ما اكعد بديوان ناس هواي بيهم انه وعلينه
طلعت بره وأحس الوالد يجرني يكلي كوم استمع لينه
ومشيت وإياه واكعدتنه وسمعت الحجي المايرضينه
هذاك يكول انه انهه وعمها يكول لوليدي تره الزينه
طلعت بره ونزلت دمعتي على الخط وذكرت أيام ماضينه
ذكرت شلون جنه أحلى اثنين ورديت اليالينه
واجت هي حدا الديوان تكلي اسكت دمعك غالي علينه
بجت كبالي كتلها لا تبجين ودمعج لا تصبينه
وحك الله شفت كطرات دم طاحت لمن بجينه
صدك لو كالوا المظلوم دم احمر دمع عينه
ومن كثر البجي والنوح جفت كل شراينه
مو هيجي يا دنيا شبيج بنص مغزل تلفينه
مو هذا المرتجى يا ناس احنه ذبنا بنار بعضينه
لأكن والله ابد ما نفترك نظل شموع نضوي وما تطفينه
وفوك كل هاي المصايب جبروها على ابن عمها وبجت والله مسكينه
تكلي الراح ما يلتم ماي وطشرته سنينه
لا يفلانه بعينج تشوفين لجمات الزمان ونياشينه
شكد حرمنه شكد تعبنه شكد المنه شكد بجينه
وما وكفت على الطريق وما نسيت الي ناسينه
والروح مثل البيضة من تفسد تروح ومن ينضج البيهة يهدم حياطينة
والضمير شماغفل مصيره من جديد يعيد تنظيمة
وانه راضي بواقعي ولو اعظم مصيبه تمر علينه
حرت شهديلج بعرسج واحنه الحزن عامينه
حرت شهديلج بزفتج اهدي الكلب والكلب مجروح تدرينه
اهدي الروح لو انطيج الكلب وكلاده تصوغينه
كطعي التراجي من الجتف وضلعي سوار تسوينه
وشراين الكلب تسكي وبحديقتكم تزرعينه
بلجي تطلعين الصبح وبصافي النبع تسكينه
وتثمر بالحديقة زهور ورد جوري تشمينه
محتار شهدي بزفتج ونار العشك تجوينه
وبفرحه وبلهفة طلعت وشفته الزفه تجزينه
اجيت بكلب بارد شايل العشك وياهم وكفينه
بالله شنهو الخبر بالله عليج يا خاله دفهمينه
كالو زفه فلانه وعسانه اليوم ماجينه
ياريت هذا الخبر كبل ما نسمعه انطرشت اذنينه
ربينه عالهم والاذى حليب هموم بصدر الدنيا رضعينه
عشنا عمرنا بالا امان ولا مكان بالدنيا الياوينه
وسافرينه وضاعت الفرصة من ادينه
وسافرينه بعيد عن بنت الكوت ومشينه
رديت اذكر شبكه اديج وكعدات من سهر بليالينه
هنا لعبنه وهنا ضحكنه وتسامرنا وزعلنا وتراضينه
وتذكرت بين ذيج الشجرات من على الحب تفانينه
ما تهون العشره لو راد الوكت يبجينه
وحط بسراج يمناي مثل ما جنه ردينه
جروحي صاحت كافي عاد كلبي صاح تعودينه
هذا حالي من بعدك يهواي لا محطه تكلي ارتاح ولا تلكتني بحظنها مدينه
سافرينه واشتاكينه لعيون الحبايب اشتاكينه
انه بلياج لا شافت فرح روحي ولا بطلت دمع عينه
تعالي وردي الضحكه تعالي وردي ليالينه
تعالي الناس تنشدني عنك تكلي حبيبك ما وفه بدينه
يناشدني الورد عنك يذكرني بماضينه
يناشدني النجم عنك يسالني الكمر وينه
كبل سنين جنه زغار أحلى اثنين انه وياهه ربينه
لعبنه هواي ضحكنه هواي ولا فد يوم ملينه
واليمر بينه عرفنا وكال ذوله احنه بكل معانيته
مشينه وأيد تشبك أيد من يكدر يلاينه
تعاهدنا نظل للدوم سوه محد يجافينا
وعلى الشجرة رسمنا كلوب واسمها واسمي خطينه
لأكن نسينا الوكت من يغدر يبيع ويشتري بينه
ونسينه الوكت ما يرحم وتبعنه الوكت ومضينه
أتفقنه بيوم عالخطبة وأخذت أهلي وتعنينه
كلت ما اكعد بديوان ناس هواي بيهم انه وعلينه
طلعت بره وأحس الوالد يجرني يكلي كوم استمع لينه
ومشيت وإياه واكعدتنه وسمعت الحجي المايرضينه
هذاك يكول انه انهه وعمها يكول لوليدي تره الزينه
طلعت بره ونزلت دمعتي على الخط وذكرت أيام ماضينه
ذكرت شلون جنه أحلى اثنين ورديت اليالينه
واجت هي حدا الديوان تكلي اسكت دمعك غالي علينه
بجت كبالي كتلها لا تبجين ودمعج لا تصبينه
وحك الله شفت كطرات دم طاحت لمن بجينه
صدك لو كالوا المظلوم دم احمر دمع عينه
ومن كثر البجي والنوح جفت كل شراينه
مو هيجي يا دنيا شبيج بنص مغزل تلفينه
مو هذا المرتجى يا ناس احنه ذبنا بنار بعضينه
لأكن والله ابد ما نفترك نظل شموع نضوي وما تطفينه
وفوك كل هاي المصايب جبروها على ابن عمها وبجت والله مسكينه
تكلي الراح ما يلتم ماي وطشرته سنينه
لا يفلانه بعينج تشوفين لجمات الزمان ونياشينه
شكد حرمنه شكد تعبنه شكد المنه شكد بجينه
وما وكفت على الطريق وما نسيت الي ناسينه
والروح مثل البيضة من تفسد تروح ومن ينضج البيهة يهدم حياطينة
والضمير شماغفل مصيره من جديد يعيد تنظيمة
وانه راضي بواقعي ولو اعظم مصيبه تمر علينه
حرت شهديلج بعرسج واحنه الحزن عامينه
حرت شهديلج بزفتج اهدي الكلب والكلب مجروح تدرينه
اهدي الروح لو انطيج الكلب وكلاده تصوغينه
كطعي التراجي من الجتف وضلعي سوار تسوينه
وشراين الكلب تسكي وبحديقتكم تزرعينه
بلجي تطلعين الصبح وبصافي النبع تسكينه
وتثمر بالحديقة زهور ورد جوري تشمينه
محتار شهدي بزفتج ونار العشك تجوينه
وبفرحه وبلهفة طلعت وشفته الزفه تجزينه
اجيت بكلب بارد شايل العشك وياهم وكفينه
بالله شنهو الخبر بالله عليج يا خاله دفهمينه
كالو زفه فلانه وعسانه اليوم ماجينه
ياريت هذا الخبر كبل ما نسمعه انطرشت اذنينه
ربينه عالهم والاذى حليب هموم بصدر الدنيا رضعينه
عشنا عمرنا بالا امان ولا مكان بالدنيا الياوينه
وسافرينه وضاعت الفرصة من ادينه
وسافرينه بعيد عن بنت الكوت ومشينه
رديت اذكر شبكه اديج وكعدات من سهر بليالينه
هنا لعبنه وهنا ضحكنه وتسامرنا وزعلنا وتراضينه
وتذكرت بين ذيج الشجرات من على الحب تفانينه
ما تهون العشره لو راد الوكت يبجينه
وحط بسراج يمناي مثل ما جنه ردينه
جروحي صاحت كافي عاد كلبي صاح تعودينه
هذا حالي من بعدك يهواي لا محطه تكلي ارتاح ولا تلكتني بحظنها مدينه
سافرينه واشتاكينه لعيون الحبايب اشتاكينه
انه بلياج لا شافت فرح روحي ولا بطلت دمع عينه
تعالي وردي الضحكه تعالي وردي ليالينه
تعالي الناس تنشدني عنك تكلي حبيبك ما وفه بدينه
يناشدني الورد عنك يذكرني بماضينه
يناشدني النجم عنك يسالني الكمر وينه