حب الامام الحسين عليه السلام

[نجمة البصره]

ياحسين ياسر الوجود ..... ياحسين ياغاية المعبود
ياسر الوجود..... ياغاية المعبود
حبك يابوالسجاد هوالنجاة
*******
هم شفت عاشك غير حبك يريد
وهم شفت مجنون بغيرشخصك يالعميد
وحبك يامولاي..... ياأمل دنياي
وهذا عهدنه وياك اصبح للممات
*******
ياأحلى من الكمر يامنور الكون
شرد اوصفك يل ساكن بالعيون
ياجنة عدن....... نظل طول الزمن
نغني باسمك ماننساك هيهات
*******
بل بالمهد جبريل هزك وناغاك
يل كل الخلك كل امله ملكاك
يابن بنت الرسول.... وابن فحل الفحول
عمت عين المايحبك خل يعبد مناة
*******
ياحسين كل حرف منك قصيدة
نكتب بيه ماتخلص وهي جديدة
ياحاء ياسين..... يلكل المحبين
بالياء والنون نترجه النجاة
*******
امك فاطمه وياهو الي مثلهه
ام الحسن ياهو الشاف ظلهه
هاي ام ابوهه..... الشيعة اعتنوهه
على العهد وياك ياباب النجاة
*******
يا امل ياغاية انت يابحر الجود
بداية انت بلانهاية يلمالك احدود
التاريخ باكمله...... بآدم اوله
وانت كبلهم وكبل خلق السماوات
*******
كالهواء انت موجود بكل مكان
والكل الك محتاجين بكل زمان
هذا من اليقين.... كلمة عارفين
وحبك يابوالسجاد سهل الصعبات

[عاشقة ام الحسنين]

اللهم صل على محمد وال محمد وعجل فرجهم ياكريم
كلمات معبرة و رائعة ومميزة
احسنتم وبارك الله فيكم

[محـب الحسين]

جزاكِ الله خير الجزاء

[محب الرسول]

كالعادة إبداع رائع

وطرح يستحق المتابعة

شكراً لك

بإنتظار الجديد القادم
دمت بكل خير

[نجمة البصره]

اشكركم على ردودكم الرائعه منورين صفحتي