تويت
روح وإتعرف على شيعة علي *** مافرطنه الحق ولاإتركنه الولي
لاتـلوم أولاتصـد عن مذهـبي *** وإنت تعـرف فاطمه بنت النبي
والجـره من بعـد أبـوها - - - أ ُم أبـيـهـا مارعـوها
لوتريد الحق بعد خليني أكول
ماقريت (لم تقـرأ) أوماسمعت إبفاطمه *** والنبي يوصي إبوصايا إمحتمه
بعد أبوها بالهظم متحزمه *** والغـُصـب حقه إبفـدك سال الـدمه
إنشد أصحاب السقيفه - - - والكسر ظلع الشريفه
والهجم للدار إنشده إبياإصول
فاطمه بالـبـاب عـصروها عـصر*** عـلي بالمحـراب راسَ ينطبر
والحسن يكشـف عـصابات الغدر *** والحسين إبفيض دمه يختبر
يختبر هذي العباد - - - يكشف أركان الفساد
وإنت لسه عن معانيه جهول
أكبر إمصـيـبه مصـيـبة كربله *** ينذبح سـبط النبي إشتـتخـيـله
هم يصير إيزيد بيه إتعادله *** روح وإسـئـل لاتظل إبـمجـهـله
زينب الحره أسيره - - - بيد ظلام العشيره
والذي مذبوح وإتسحك الخيول
رافضي سـمـيـني رافض للظلم *** رافض الطغـيان وأعـداء القييم
تابع أهل البيت وحـسـين العـلم *** حتى طفلَ إمن الشهاده ماسـلم
كافي ترمي بالسهام - - - لاتصد عنه أو تنام
لو تريد الحق تناشد بالإصول
رافضي !! والله رافض للـكـفـر *** رافض العدوان واصحاب الغـدر
ملـتـزم درب الهدايه للـكـبر *** وإنت فكر باجر(غداً) إشـتـنطي عـذر
من تكف ( تـقـف ) فوك السراط - - - بيمن إتـشـد اللماط
ماتـفـيـدك هاي كلمات الخجول
فـكـر إبأمرك إذا إنزلت الكبر *** والـيـسـألك بـيـش كـضـيت العـمر
مايـفـيـدك واحـد إبهـذا الأمر *** غـيـر أعـمالك وأهـل بيت الـطهـر
لا تـرا وغ وإ حـتـِذ ر - - - بعـد هـذ ا إ شـمـنـتـظـر
لاتـكـون إمن الـنـواصـب للرسول
حكمت الظلام تالي إشحصلت *** هذي مو بدعه ولا كال او كلت
لو تريد الحق على الحق إسألت *** لو تريد النور للنور إوصلت
بالهدايه تستطيع - - - وحك آهات الرضيع
هذا تأريخ الظلم مهما يطول
كـوكـب الاسـلام بأنـوار إعـتـلـه *** للعـقـيـده أركان عـتـره إتـمـثـلـه
صـرخـت الحـق والمظالم سـلـسـلـه *** ثـبـت أحكام الرساله إبكربله
مـيـيـز الحق والظلم - - - وإصـدر ابهذا الحكم
والمصايـب صابت الامه إبـذهـول
ما أريـد الـتـفـرقـه أو بيه نطيح *** إنصر إحسين إبوكـفـتـه من يصيح
لا تجـامـل بالأمر وإنظر صحـيح *** هذي كلمات الحـقـيـقـه بالـفـصيح
تعليق