تويت
كل الخدم تنهان شفناهه بالعين ....بس بكرامه تعيش خدام الحسين
بالدم علينه للخدمه جينه
*****************************
لا تبگه ابد حيران ....تاريخك الميزان .....منه اخذ عنوان .....كل خدمه هل النوعين
نوع اليذل الناس ....ونوع اليعلي الراس ....وعقلك الك مقياس ....ايزيد لو الحسين
ذاك الخمر والسيف عنده العقيده ...........ومنهج رسم الحسين من دم وريده
هوه السفينه للخدمه جينه
******************************
تحير صدگ دنياك .....لاچن حسين وياك .....جت تخدمه الاملاك .....تدعي واليه تطوف
سجل الاسم بالروح .....عنوانك المذبوح .,,,,ارخصهه لاجله الروح.... باچر عجيب تشوف
جنه الگبر تلگاه وبلحده بستان.............. ويوم القيامه قصور متحضره وجنان
وكوثر عينه بالخدمه جينه
*******************************
يل موكبك ابنيت.... للزهره هذا البيت....... أتأمل ووفيت .........وجهك تبيضه هناك
ابمحشرك لا تخاف.... همه على الاعراف..... حيدر الك مضياف..... والواه نفس الواك
اخدم ينور العين فرح الزجيه ..........اخدم رسول الله وحامي الحميه
بدمعه حزينه للخدمه جينه
*******************************
متهمنه ابد السيوف ......عدنه عزم الطفوف...... رايتنه بيهه جفوف ....ظلت تحير الكون
يم النهر چفين..... وسهم الصاب العين ........تحملنه هذا الدين .....اقره بدمع العيون
هذا وصف للچان حامي العقيله ............خدمته تمحي ذنوب كلفه وثگيله
بغيرة ولينه للخدمه جينه
*******************************
المات وخدم هالدين ....اتخلد من حسين.... حمزه اذكر وياسين .....واسم انذكر منظور
وحزن بوطن موصوف .....وابو شبع معروف .....عبد الرضا من يطوف.... بالحانه دمعي يثور
هذي النجوم تطوف دوم بسمانه .................كل اربعين انشال بيهم لوانه
وياهم مشينه للخدمه جينه
************************
*****بــــــقلمي*****
تعليق