قصيدة(اخوها وشمّت ازنوده++++وهاي وتنظر الجوده)

[عبدالله الشاعر]

اخوها وشمت ازنوده+++وهاي وتنظر الجوده
عتب عدها+++وي كافلها
وهاي وتنظر الجوده
+++++++++++
هضم لاح الحزن ولاحت احزانه
ويم زينب اليوم وشايل امانه
شايل اجفوف الحيد وهم لفانه
وهاجت بالحزن زينب وي الامانه
تريد الجف هم تخبره+++لجن نيران مستعره
مصيبتها+++وهضيمتها
وهاي وتنظر الجوده
___________________
شافت جف وليها وشمت ادماه
ودموع الحزن نيران هاي ويلاه
خل يكعد يشوف زينب ابفركاه
حزينه ودمعها يسكي طفل ويلاه
وهم اعله الحرم اتخبره+++لجن نيران متوجره
راح منها+++كثر ونها
وهاي وتنظر الجوده
________________
ولون كتلي جفيلج كمر موجود
من يوصل يمّج وهوه راعي الزود
وتحزم بالوصيّه وعزّة المعبود
للحرب طبّ وجاب الشمر مكيود
وعبّاس الحرب سرّه+++ومنهو اليوصل البحره
نزف دمه+++حيل صعبه
وهاي وتنظر الجوده
__________________
تكلّه اكعد كمر وشوف الاحوال
خل جفّك يلوّح وتعود الامال
واريدك اتعود وتحضن الاطفال
مذعوره اطفالك وتدري هاي الحال
لون جفّك يرد يبره+++سواد ليلي يرد كمره
ودمع طاح+++ الكمر صاح
وهاي وتنظر الجوده
____________________
للمشرعه اتعنت والدمع فوار
لعبّاس وشمّت اليمّنه ويسار
وحاجت الجفين زينب وي الافكار
اريد اشم جفّك ويظلّ تذكار
عبّاس اسمع الحسره+++تلطم وتنظر الحرّه
ومتحسره+++ومنتظره
وهاي وتنظر الجوده
___________________
للشام راحت والدمع ماي يجري
وهم الكمر يدري فوك الرمل نجري
كمر بالمشرعه طايح وضاع عمري
عبّاس الخدر هذا والخدر خدري
ونار وتندب الحرّه+++حزينه وتهمل العبره
مرارتها+++ وهضيمتها
وهاي وتنظر الجوده
____________
بقلمي
خادم اهل البيت(ع)
عبدالله العتابي

[همسه العراقيه]

طيب الله انفاسك
صح السانك اخي موفق بحق ال بيت رسول الله

[محـب الحسين]

طيب الله أنفاسك
وجزاك أحسن الجزاء

[عبدالله الشاعر]

السلام عليكم
همسه العراقيه
لك كل الشكر والتقدير
لمرورك العطر تحياتي
تلميذك المبتدا
عبدالله العتابي

[عبدالله الشاعر]

السلام عليكم
محب الحسين
لك كل الشكر والتقدير
لمرورك العطر تحياتي
تلميذك المبتدا
عبدالله العتابي

[ناصر أهل البيت]

بارك الله فيكم وجزاكم المولى خيرا الجزاء
وكثر الله من أمثالكم الطيبه