قصيدة(ظلمه من غيرك والكلب حزنان)

[عبدالله الشاعر]

حسين واحد ابد ما يقبل الضيم
بس اني انهضم وبدونه اتفرهد

ظلمه من غيرك والكلب حزنان
اوحزني اويه حزنك بيك يتوحّد

جنت جاهل ازورك والكلب عاد
هسه اتعودت من كلبي اتعوّد

عشكتك ذره ذره وصرت النفس وياي
واذا محّد يزورك يغضب الاوحد

ولك لا تمشي ابد وي ناس غدّاره
موش حسين كعبه ويمه تتعبّد

وكبرك كعبة نور وبالنور شع
وكلّ هاي الناس اليوم تتوحّد

يالصحنك كمره بكل ظلام الليل
وزوارك نوارس من تلمس الخد

وبحيرة نور يمك والباب قداح
ومرة قداح جنّة ومره قداح خد

رايتك سمه ويمك تدور انجوم
اذا رفت انجوم الكون تتوحّد

وعله كبرك صور مرسومه من دم
اباوع عالصور ما مرسومه ابد

حدر كبتك ليل وتدور انجوم
وشفت جنّة الله جواه تمتد

وجفّك حضارة ونحرك التاربخ
وقران كامل فوك الكبر يمتد

++++++++++++++++++++++
بقلمي
خادم اهل البيت(ع)
عبدالله العتابي

[الـدمـع حـبـر العـيـون]

عشكتك ذره ذره وصرت النفس وياي
واذا محّد يزورك يغضب الاوحد

ولك لا تمشي ابد وي ناس غدّاره
موش حسين كعبه ويمه تتعبّد

كلمـــــــــــاآآت راااااائــع،،ــــــــــه
سلمـــــت يمناكـ الحسينيه
اللهم ارزقنا العود لزيارته بالدنيا وشفاعته بالاخره

[عاشقة ام الحسنين]

اللهم صل على محمد وال محمد وعجل فرجهم ياكريم
أحسنت على
الكلمات الراااائعة
شكرا جزيلا على
الطرح راااقي ومتألق