قصيدة ((طاح السقاي ))

[خالد محمد مهدي الحجارر]

طاح السقّاي \\ وتبده الماي

من ضربة عمود الراس

جودك يـصــرخ ياعباس

*------------*

كفلتني يانظر عيني تراعينــــي

اخوي الزود بيك أمأمنه يميني

ضعني والخدر عاهدت تحميني

منهو الكال منهو الظن تجافيني

دومك وياي \\ بأيدك يمناي

خدري أمأمن بجفوفك ** كلبــي ينادي ماعوفــك

طاح السقاي \\ وتبدّه الماي

*------------*

أخذت وياك لوعة كلب وسط الجود

وأطفالك تناشـــد عمنه يمته يعود

بنوا بين العطش والنهر خوي سدود

شوكت بالماي لخيامي ترد أردود

أنته الحمّاي \\ كافل ممشاي

بحساباتي الغيبه أطول **أعذرك والعذر مقبول

طاح السقاي \\ وتبدّه الماي

*------------*

بجفوفك تلم الماي وتجيبــــــــــــه

وتسكّت كلب مجروح ونحيبــــه

الجروح أمتانيه من جفوفك الطيبه

لون مترد عليَّه مصيبتي مصيبه

انته رجواي \\ لجروحي دواي

أرجع فرحّهه ظنوني ** وتذل كلمن لامونـــي

طاح السقاي \\ وتبدّه الماي

*---------------*

تانينه ترد تطفّي اللهب تزكينه

وعلى ردّتك تربي عيونهه سكينه

شنهو الاخّرَك عنّه يساقينــــه

فراكك والعطش ياخوي ماذينــــه

ناري البحشاي \\ دمعه بعيناي

جفوفك عالثره خلّيت ** مــاأعتب يالما رديت

طاح السقاي \\ وتبدّه الماي

*********************

اعاين عالشــــريعه لواك ماشوفه

ضميري وروحي صاحن طاحن جفوفه

جودك ماوصل للخيامي معروفه

وفّيــت وكفيــت حســين بطفوفــــــه

ظلمَّت دناي \\ ماشفت لواي

خويه يمينك تانيتـــه **خدري أيتاني خليته

طاح السقاي \\ وتبدّه الماي

************************************************** ****************

[عاشقة ام الحسنين]

اللهم صل على محمد وال محمد وعجل فرجهم ياكريم
شكرا لاناملك التي خطت
هذا الابداع
يعطيك العافية

[محب الرسول]

احسنت بارك الله بك

[الشاعر احمد الخفاجي]

احسنت

[خالد محمد مهدي الحجارر]

شرَّفني مروركم الكريم وأسعدني
التمسكم الدعاء بالقبول
شكرا \\ ممنون