منتديات احباب الحسين عليه السلام

منتديات احباب الحسين عليه السلام (https://www.ahbabhusain.net/vb/index.php)
-   احباب الحسين للشعر الحسيني (https://www.ahbabhusain.net/vb/forumdisplay.php?f=99)
-   -   بدا الحزن يدنو العاشقينا (https://www.ahbabhusain.net/vb/showthread.php?t=126372)

زاهر 11-09-2018 01:30 AM

بدا الحزن يدنو العاشقينا
 
المستهل
------
بدا الحُزن يدنو العاشقينا
يقصد ُ كربلا ينعى الحسينا
"""""
يحاكي دمعنا ....محرم جائنا
النص
-----
1-
تغيّر لون دنيتنه ابسواد الهم
والطف ينبض او يانه ابعروك الدم
ابجوارح كل موالي العاشر اترسّم
تجمعنه المصيبة ابكربلا اونلتم
------
آلهي ليتنا كنا مع الشُهداء
نفوز أعظمُ الفوزَ مع السُعداء
"""""
جرت عبراتنا....محرم جائنا
2-
كل بقعة ابأرض هالكون حزنانه
اوكل دمعة التهل بالعين حيرانه
ربت هالعاده هذي ابفطرة ويانه
ألك يحسين حسره ابألم ولهانه
------
خُطانا تحمل العبرات للطف ِ
مشاعلنا بنار الحُزن لاتطف ِ
"""""
نُعيد رثائنا....محرم جائنا
3-
شهر الآحزان لفت وياه مأسينا
مثل جمرة خيام الطف تشب بينا
عشاك احنه الك يحسين تدرينا
طريقك سيدي امنالصغر ماشينا
------
نهتف ياشهيد الله أتيناكَ
ياأبن الطهر قبلتُنا جعلناكَ
"""""
نباهل خصمنا....محرم جائنا
4-
شكد منعونه نكصدلك يبن حيدر
لحد هاليوم ما كدرو طغاة الشر
أبد والله ماننساك يبو الآكبر
ألك عُشاك اوتربتك بيهه نتعطر
------
عهداً حبنا باقي الى الآزل ِ
أليك سيدي ياوارث الرسل ِ
"""""
تغلي دمائنا....محرم جائنا
5-
عله العاده العرفناهه ابمضي الآزمان
مراسيم التعازي النه اصبحت عنوان
جروح الغافية تصحى ابشهرالآحزان
عشگنه حسين شنهو الموت للعشگان
------
لبيك ياحسين دامَ شعارنا
للموت ماننساك ياأبن أميرنا
"""""
نطالب ثأرنا....محرم جائنا

--------------------------
أعظم الله لنا ولكم الأجر
نسألكم الدعاء
✍>>الشاعر زاهر المعموري

عاشقة ام الحسنين 15-10-2018 01:53 PM

اللهم صل على محمد وآل محمد وعجل فرجهم ياكريم
ابيات رائعة
يعطيك العافية على الانتقاءك المميز
بارك الله فيك على الطرح الراااقي


الساعة الآن 05:41 PM

Powered by vBulletin® Copyright ©2000 - 2024, Jelsoft Enterprises Ltd. TranZ By Almuhajir
جميع الحقوق محفوظة لمنتديات احباب الحسين