منتديات احباب الحسين عليه السلام

منتديات احباب الحسين عليه السلام (https://www.ahbabhusain.net/vb/index.php)
-   احباب الحسين للشعر الشعبي (https://www.ahbabhusain.net/vb/forumdisplay.php?f=112)
-   -   مو كافي ارهاب//الشاعر سلام الكَريزي (https://www.ahbabhusain.net/vb/showthread.php?t=112752)

الشاعر سلام الكَريزي 28-08-2015 12:30 AM

مو كافي ارهاب//الشاعر سلام الكَريزي
 
مو كافي ارهاب مو كافي القتل
جا يمته بيك يلتم الشمل
يا عراق شلون تاليهه بعد
كَلي جا وين الفرج شال وبعد
من هاي ألأوضاع مل حته الطفل
**************************************
كافي بارضك ينقتل ليش البريء
وعايش بحريه جا ليش المسيء
شمعة الفرحه شوكت بايدك تضيء
أحنه ما عشنه ابد عيش الهنيء
أنته بأحكامك علي جداً جريء
لسمعة الطاهر بعد لا لا تسيء
يمته نرتاح احنه بتربتك
كَلي يايوم تبقى محنتك
من حرب نطلع نطب أحنه بحرب
من كثر ما دخنه تيهنه الدرب
تحصدنه الاهات نرجع ننشتل
******************************************
عالوكت نعتب بعد كافي العتب
احنه بيدينه الامر واحنه السبب
لليجي نصفكَله ونعليه رتب
على موجة طائفيتنه ركب
كَلنه وين الكَال بالزينه وكتب
ألما يلوحه حامض يكَول العنب
عدنه أحنه ارجال شدوهه الحزم
ماهمهم موت كَالوهه بعزم
كلا كَالو للطغات وللنفاق
أحنه ولد الوطن ونحب العراق
بكَلبي يعراق نارك تشتعل
**********************************
والله ملينه السياسه والدجل
من وراهه هالوطن نار اشتعل
راح اضربلك يسامع هالمثل
وانته حكم عقلك وشوف الحصل
من السياسه شجم بريء اللي أنقتل
وضاع دمه وما عليه أحد سأل
ملينه يا ناس من أهل الحكم
بكَلوبهم هاي ماندري شتضم
على جتاف الفقره صعدو بالوعود
كَالو نعمر بلدكم أحنه عود
شتجاوب الله لو من تنسال
*****************************************
سني شيعي كافي من هالتفرقه
أنته مو حسبالك الشغله شقه
البشر عالوضعه هوه شما رقه
مايبدل معتقد بيه صدقه
تصبح الدنيه علينه مشرقه
لو شعار الطائفيه نمزقه
خلونه نعيش أحنه بفد وطن
مو شفنه اهات شفنه شكَد محن
لا تفرق كافي بين المسلمين
كلنه نعبد أحنه ربِ العالمين
كافينه أعذار احنه نفتعل
*******************************************
كلمات الشاعر// سلام الكَريزي/25/ذي القعده/1435/21/9/2014(دعائكم)

محـب الحسين 28-08-2015 12:38 AM

أحسنتم اخي الكريم
طيب الله أنفاسك

خادمة فضه 31-08-2015 10:12 PM

جزاك الله تعالى احسن الجزاء

عاشقة ام الحسنين 10-08-2017 03:37 AM

اللهم صل على محمد وآل محمد وعجل فرجهم ياكريم
يعطيك العافية على الكلمات الراااائعة
بارك الله فيك على الطرح الجميل
أحسنت على الانتقاءك الراااقي

ابن بغداد 10-06-2018 12:00 PM

جزاك الله تعالى احسن الجزاء


الساعة الآن 11:55 PM

Powered by vBulletin® Copyright ©2000 - 2024, Jelsoft Enterprises Ltd. TranZ By Almuhajir
جميع الحقوق محفوظة لمنتديات احباب الحسين