[سامي الكعبي]

ياجسام الشبل تاني
اخبرك يمه باحزاني
...


استمع وانظر ياماي العين
عله اوصية الحسن لحسين
عله الذله ابد لاتلين
وبلطف للحسين اتعين
واحنه بهالامر ما شين
يا يمه لو لفانا البين
الاجل واشما تحداني
اخبرك يمه باحزاني
...
شبل وامسافر ابغربه
ابرحله امقدره و صعبه
ابن ذاك العبد ربه
اصله ونشأته الخصبه
حادي اوانظر الدربه
وريحه الي تمر عذبه
وبسمك يلهج الساني
اخبرك يمه باحزاني
....
اذا طال المسه الصبحه
لابد للشمس تضحه
يزهي القاسم ابحرحه
ويرفع رايته اورمحه
طير ايرفرف ابجنحه
وينطر ساعته وذبحه
الشهاده الكاها عنواني
اخبرك يمه باحزاني
.....
اذا دك المجد بابك
افزع واطلب امصابك
اريد اسمع صدى اخطابك
يفرح المجتبى اجوابك
واشمك واحضن اترابك
واوفي الفاطمه اصوابك
سفينة نوح طوفاني
اخبرك يمه باحزاني
...
برز ما يعرف الرجعه
وصمد وبسيفه ضل يسعه
مثل جذع النخل طبعه
وعالي ابهلغص نبعه
نشهد للشبل فزعه
احسين وهيبته ودرعه
صبري الطال اذاني
اخبرك سمه باحزاني

برزت اوفرحت عمك
وفدوه اتروح الك امك
انجله همي انجله همك
الشهاده امطرزه ابدمك
وتدري من حضر يمك
احسين الضمك وشمك
ياذخر ي ونبض وجداني
اخبرك يمه باحزاني
.....
الحاج سامي الكعبي
قصائد محرم للقاسم ع
1438

من مواضيع سامي الكعبي

» انه العليله وروحي وياك
» ياجسام الشبل
» تعديل مشاركه
» للعسكري نهل الدمع -صلوات الله عليه
» بليلة توديع مشهوده -الامام علي صلوات الله عليه