08-04-2013, 02:57 AM | المشاركة رقم: 1 | |||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
المنتدى :
احباب الحسين للشعر الحسيني
|
ياطف المواقف
طف المواقف الشاعر ناظم الحاشي ياطف المواقف سولف بعبـاس __ والغيره العظيمه الملت وجدانه بركاب الزلم غرغر لهات السيف __ ومرغ بالتراب أخشوم عدوانه هذا الشال غيـرة جعـفر الطـيار __ ونزع جفين متنه ولبس جنحانه أسد وبسيفه خله احلوك هاي الكاع __ تاكل بالجثث وتصيح جوعانه ماي الكاع درت من ثدايه الطـين __ اله وظلت لهات البحر عطشانه موقف هذا موقف سجـله العباس __ مو مسئلة ماي وشفه ذبلانه أشلون إيضوك ماي ويدري أخوه حسين __ ريجه منلعطش يابس عله لسانه وأذ الخوت الجذب دله البشر قابيل __ علخوه الصدك عباس دلانه شك صدر الفرات وجبده صاير نار __ ولا مضمض رياكه بماي طوفانه شوف أشلون خوه الخلته إيشب نار __ ودم راسه اشتعل وانفجر بركانه شاط منلزعل ومن الغضب والغيظ __ من شاف الحسين ابغير عوانه كف اردان جلده ونسه اردان الثوب __ وكف حته الجفوف بكفت اردانه هذا الماوكع من حز وريده السيف __ ولا من الرماح أصفرت الوانه مذبوح وسمع صوت المنادي ايصيح __ انذبح صبط النبي وانسبت نسوانه رجف عرج الهواشم وانتفض عباس __ وصعدت غيرته وارتجت اركانه رد راسه الركبته ودور اعله السيف __ ونهض وتناوش منلكاع ذرعانه بعده الهسه باقي الجسد فوك الكاع __ نور ونور اعله الكاع جثمانه ومادام الكمر مايندفن بتراب __ أذاً مادفنوا العباس دفانه حي بعده وبعد شارته براسه الحار __ وأضربلك مثل وانطيك برهانه من شاف الحسين انضرب بالتسعين __ وهدموا كبته وشلعوا بيبانه تشلع ذهب كبته ودخن العباس __ ومن برج المناير طلع دخانه من برج المناير طلع دخانه
|
|
|