انا الشراي للخوه بلا كم
اوابد ما يسوى كل عمري بلا كم
اذا مره نزل لينه بلاكم
مثل الجنه ونفتحت عليه
زماني بسيف مت عني علي راد
وهمي اشماجفل عني علي راد
ادور الي يجاوبني علي راد
ويضمد اجروح ما الهن شفيه
زماني علي سيف الظلم سله
ومو بس هاي شج بالعين سله
رغم هذا وجسمي القهر سله
كمت وي اخوتي وشلت الاذيه
عجيبة شگد تعب گـلبي ولا أنْ
ولا مـرة عرف يـحمل ولائينْ
يصاحب يا درب ماشي والى أين
تروح وتـجفي كليبي العليل
مثل حزني حزن ما شفت والماي
ولا تـلاوم عليـه محب والماي
عجيبه من الفرات انحرم والماي
ابويه عراق و افدي بل منيه
ابيوم اهلال شهر الحزن منهل
بجيت آنه وجريت الدمع منهل
تـذكرني الغرب ابيوم منهل
على الفراك حتى كليبي كطعته
غريبه ولاوطن عندى ولادار
وحولك ما خلص يبني ولادار
يبني اجفاك مرمـرني ولادار
بحليبك ياحبيب تعود اليه
وليدي راح من ايدي واهو شاب
وشاب الراس لفراگه وهو شاب
ما شب نـار دلالي وهو شـاب
نيرانـي ورحل مـن بين اديـه
:
شجيت انه وجريت الدمع منهال
وحنيت الضلع يوم الصاح منهال
صحت ويلاه يا ويلادي منهال
عليكم صحت وين الي يجاوب عليه
يخويه الضمه نار احرگت يوفـي
عرفنه اللى يواعـد وعد يوفـي
حاشاه العـزيز ايخون يوفـي
ابن امي نفس نهض ا ليـه
شكول للحر ما واحد نجلهـا
وچم حره انچتل باالعراق نجلها
المدينه ما نحب نوصل نجلها
نريد انخيم بـوادي الـمنيه
كثيره اجروح يبن امي ترابيك
عفت الدار وعيوني ترابيـك
چانت تسهر ليالي وترابيك
متكلي اشوكت اتعود اليه
انا الشراي للخوه بلا كم
اوابد ما يسوى كل عمري بلا كم
اذا مره نزل لينه بلاكم
مثل الجنه ونفتحت عليه
------
اي والله والنــِّعم ...وأقول :
أنا الشراي لأحباب الحسينْ
وبدونهم أكَظيها بالـونينْ
أذب روحي علمودهم بالبين ْ
بسم الله الرحمن الرحيم
بارك الله بك اختي الفاضلة
ابوذية رائعة واهدي لك هذا البيت ارجو ان يعجبك
مآتمك بالكلب يحسين ينصاب
وذكرك من يمر الدمع ينصاب
سيدي كلبي دون كلبك ريت ينصاب
وخدي دون خدك على الوطية
تحياتي لك
الصوت الجريح