كل ما اشوف الماي ينزل دمع عيناي
أنه السجاد ابن فاطم تعرفــــوني أشمضوگ الماي اخلطه ابدمعت اعيوني
أنه الخلــيت أبوي أولا تلوموني رحت ويه الضعن حمايا لضعـــــــــوني
يا محب بلميدان عفته وعلى التربان هوه وهلي الطيبين
بيك الوكت لو دار والعقل ضل محتار
أنه ويعگوب نبچي وقصــــته أبتفــصـــيل ابد ما شاف يوسف دمه منه ايســـيل
ابقميصه الدم يشوفه وعينه صارت لــيل وشفت آنه الشمر راسك يبويه أيشيل
بيه دارت الأقدار والليل اجاه انهار وأتلاگن العينين
بس آنه من هلكون واسمع قضتي اشلون
على الي صار بينه ابهل الگلب لوعه شفت علگاع ابوي امرضرضه اضلوعه
ونار ابكل خيامي وعيـــــله مفـجوعه وروس اعللـــرماح أبهـــيبه مـــرفوعه
وين النضر ما دار روس وجثث والنار گلي أشيصبر العين
يا محب مهما أيكون خل كل مصاب أيهون
يهل الوادم علينه الخيل مـن غـارت على اسماعيل هاجر مثـلي مـــا حارت
احامي اعللحرم وايتامي مــن ثارت عدواني وتعرف اعـــدانه لو جـــــارت
سحگو على الأيتام ونار انشبت بخيام طشت حرم صوبين
طشن يصيحن صوت يحسين أنه وللموت
من هجمو علينه وگيدونه ابگـــــــيد اباوع عمتي زينب چــــن تمـــــوت أتريد
وأجانه الماي نشرب مايه من يا أيد عگب عباس ذاكـــــه العل الشريعه أوحيد
من عگب عين أحماي فتت رقيه أحشاي ما تدري جسمك وين
صاحت على السگاي أخذه الأبوي الماي
على الهزل خذونه وما عرفنه الوين ويلوح اگبال عيني راس أبـوي حسين
ينشدون الخلگ ذوله الأساره أمنـين نگلهـــم احنه آل الــــــــبل الـذكر ياس
واعله البلاد اندور نمشي أبشتم وأبجور وأتلون المتنين
كل ما نطب انشوف زينه وطبل وأدفوف
خذونه الآل آمــــيه والــنــفس ترديد وخلو راس أبــوي أبـين أدين أيزيد
عليه بلصوط يلعب ريته شوفي أيبيد ولشوفك بلطشت يا بويه عني ابعيد
طبت على الديوان بت سيد الأكوان وامگيده الچفين
زينب يشيعي أتگول عن ذكره ابد لا أتحول
******
الشاعر الحسيني عماد الدريعي