ليش لوحّدك من طحتّ عالكاع
ومنهو الكبّلك ونكّط الماي
جريح ابنص معركه اولالك معين
والكمر عنّك بعيد اشلون هاي
اليطيح ابنص عده يتحزّم احزام
عليه عباس وحيل ايشيل بهداي
واشوفك وحّدك وانته الكمر جان
ويّاك وصدك يروي العطش ماي
لو جان يمك هسه الكمر عبّاس
ترد لخيّمتك جاهسه حمّاي
غريب لوحّدك بس زينب اتصيح
كوم حمّاي الضعن وفرح اجلاي
يراعي الضعن شده ويوم من يوم
وفرق ما بين يومي ويومك اهواي
عباس وصدك طاح الدمع بالراح
من شفت الشمر صد وهجمت اعداي
واريد ابجي الدهر واليوم احاجي
زيدني الدهر لوعات وبعد داي
وهلّت ادموع دنياي وجان دم
وكبل اليوم ابد مابجت دنياي
حك الدنيه لو تبجي اليوم من دم
الطاح الحيد حسين وغيم الراي
حزينه الدنيه اوصارت ظلام
لان شمس الكون غابت ومن هاي
اذن دنيانه من غير حسين هم
والشمس تشتاك لكمرهه هواي
الشمس هوه حسين والكمر عباس
والخيم زينب هاي من غير ماي
اذن دنيانه ضاعت بلا حسين
والدنيه من غيره ما تسوه هاي
الراح راح حسين بس ثبت الدين
ومن غيره اموت ماشيل هاماي
وانذرت اسنين عمري لبو السجاد
ومن ادمّع لحسين انكلب ناي
ــــــــــــــــــــــــــــــــ
بقلمي خادم اهل البيت (ع)
عبدالله العتابي
المواضيع المتشابهه
العرض العادي
