بسمه تعالى
سلام عليكم
عظم الله اجوركم واجورنا بمصاب امامنا الحسن العسكري عليه افضل الصلاة والسلام
--- قصيده فائزي وتصلح للطم
--
--
--
امصابين يالغايب جرن بچن للعيون
اعلينه مندري يامصاب البيهن ايهون
---
عودك يبو صالح گظه بالالم والسم
هذا المصاب اللي جره والأشد واعظم
امصاب الضريح الوالدك تدري تهدم
ماندري يالغايب بعد منكم اشيردون
--
اشيردون منكم سيدي ابهذا حقدهم
من السقيفه الهل الوكت بالشر بعدهم
لوسيف لو سم لو غدر هالصفه عدهم
حتى الرضيع وماسلم لهلك يذبحون
--
يالغايب وهذا الحقد صبوه عليكم
امصاب اليروح امصاب اشد بعده يجيكم
ياچبد من السم سلم سيدي بيكم
بغض العلي يبن الحسن لساه ينادون
--
لساعه نيران الحقد تلهب علينه
يبن الحسن بينه گصوا نكلوا بينه
واحنه الصبر غيره بعد ماظل بدينه
ونخاف بينه هالصبر يالغايب ايخون
--
لوخان بينه هالصبر يتفصم القيد
ايشوفون موت احمر يغاب ترثة ايزيد
لاعذر ينفعهم بعد والندم ميفيد
الشيعة علي ابسوح الوغى خلهم يشوفون
--
خلهم يشوفون الزلم ابسوح المنايا
متحزمين ابحب علي او حب الولايه
الموت ابشرف عدنه أجل او اسمى غايه
مو مثل ذوله اهل الغدر ابغفله يطعنون
--
المواضيع المتشابهه
مصابين يالغايب جرن بچن للعيون ---- نعي فائزي -- لوفاة الامام الحسن العسكري ع
العرض العادي
