العودة   منتديات احباب الحسين عليه السلام > القسم الأدبي > احباب الحسين للشعر الشعبي
احباب الحسين للشعر الشعبي يختص بكل أنواع الشعر الشعبي


عيد المگبرة ~~

احباب الحسين للشعر الشعبي


إضافة رد
قديم 11-09-2016, 01:20 AM   المشاركة رقم: 1
معلومات العضو
جعفر المندلاوي

إحصائية العضو







 
 


التوقيت

التواجد والإتصالات
جعفر المندلاوي غير متواجد حالياً

المنتدى : احباب الحسين للشعر الشعبي
عيد المگبرة ~~

عيد المگبرة
=================
بقلمي جعفر ملا عبد المندلاوي
8ذو الحجة 1437ه : 10-9-2016 م
تانينه الفجر للعيد ملهوفين ==== والضحكة البريئة بشوگ تملانه
أنتظرك تگول إمبارك معيدين ==== وتشبگني بحنان وروح لهفانه
مثل العام نتعايد وافرح بيك = = = يتْسَلّه الگلب وتخفف احزانه
جانه العيد يبني وطال الغياب = أخوك على الدرب وعيونه سهرانه
طلع من غبشه جدمي يدور عليك = وأگولن بلچي يم الباب يتنانه
فارگنه الوكت صار الدمع سُلوان = وصبح العيد عند الگبر ملگانه
عيد الله إجه والفرحة بالتابوت == مخنوگ الصبح مسدودة بيبانه
بدر العيد غايب والخسوف يطول = ضيّ العمر طافي بظلمة خلانه
نصيت البچي چيف الجرح بي صوت = لن طيفك حقيقة ويبچي ويانه
أحس حتى بخيالك يبني شو موجوع = = ظهرك منحني وعيون ذبلانه
خليني على بالك لا تروح ابعيد == چن عبدالله اسمعه يگول هذا انه
متأسف يبويه هالقدر مكتوب == أدري الفرگة صعبه وكلفه فرگانه
أبيض گلب عندي وظني بيهم زين == ولا طبعي التلون لا أحب شانه
بس الماحسبته وما خطر عالبال = طعنه من الصديق من الظهر جانه
خاويت الصديق وهو خان وياي = = = ضمالي الغدر بالماي غطانه
والله تذكرت يوسف نبي الله = = = = وسط البير لمن عافته إخوانه
ضمّوا حتى موتي وچذّبوا عالناس = أنه الغَرگان من خذلوه صحبانه
عجايب هالزمن هذا اليخون الزاد = = والدنيه بعد تفتحله ذرعانه
صح آني رحت يا يابه بس مظلوم === ومرتاح الضمير وروح حزنانه
والله العيد أحلى بجنة الرحمن = = لا غدر الولف لا چذبه واضغانه
يبني ونظر عيني ونبض الايام = = = بعدك ماكو راحة وحزن دنيانه
عن عيني رحت وسكنت وسط الروح = مجلسنا بغيابك انت عنوانه
طيَّب يا ويلدي وحلوة بيك أوصاف = وانت الطِيب كله وعطر أفنانه
ناسي كلشي مني وانت ما ناسيك === يا ورد الربيع ويفرش اغصانه
أنتظرك تجي لو آنه امر عليك ==== صفنتك خذلتني بشوگ مليانه
هلّ العيد يبني ولسه ما هليت == آنه أدري اليسافر صعب ينسانه
صحبانك تشوفك بالحلم فرحان = = ما بين الزهور ومحلى بستانه
ضميتك ذخر للعمر تضوي اشموع = ما حسبّت تطفه وتلبس أكفانه
أشوفك كل صبح بعيوني تذكار == وأسولف وي خيالي عاگد السانه
أرجّع ذكريات اسنيني وياك = = = وتفاصيل بحياتك چانت اهنانه
أبچي عليه سكته واخفض الصوت = تالي الليل وحدي گبالي جثمانه
أنظر بس خيال يحوم بالبيت === بين الرمش يغفه وتجري غدرانه
وافزّ كل ساعة فكري بيك مذهول === وأتاني شوفتك البُعد أذّانه
بين العيد وارض النجف ميثاق = = = عيد الناس يم اگبور خلاّنه
مگبرة النجف چانت تخوف الناس = من كثر الحبايب صار ملگانه
أسلّي الروح يبني واكتب اشعار= حنينك فاض بينه ومشت نهرانه
وابشرك والله خوتك نظموا لعبات = باسمك للشباب وصرت نيشانه
وملعب بسمك اتسجل ينور العين = ريتك يبني حاضر بيك سلوانه
البطولة نظموها وللشباب الفوز = = = زفوك بدمع وعيون غرگانه
أشوف الملعب واقراك بالساحات == علگوا صورتك وبعالي جدرانه
صدگ هاي الوفه والصحبة والخوّة = مو صحبة الخاين ذيچ خوّانه
والله والنعم وافوا فريقه وياه = = = = = يذكرونه بصلاة وذكر قرآنه
آلهي الطف بعبدك ويه هالشبان = بجاه القاسم بن الحسن مولانه
واجمعنه برحمتك عند أهل البيت = يم الخمسة أهل العبا مأوانه












عرض البوم صور جعفر المندلاوي   رد مع اقتباس
قديم 05-08-2017, 02:45 AM   المشاركة رقم: 2
معلومات العضو
عاشقة ام الحسنين

مراقـــبة عـــــامة

 
الصورة الرمزية عاشقة ام الحسنين

إحصائية العضو







 
 


التوقيت

التواجد والإتصالات
عاشقة ام الحسنين غير متواجد حالياً

كاتب الموضوع : جعفر المندلاوي المنتدى : احباب الحسين للشعر الشعبي
افتراضي

اللهم صل عل محمد وآل محمد وعجل فرجهم ياكريم
آحسنتم القصيدة المميزة
يعطيك العافية على الطرح الجميل












عرض البوم صور عاشقة ام الحسنين   رد مع اقتباس
قديم 10-06-2018, 12:02 PM   المشاركة رقم: 3
معلومات العضو
ابن بغداد

إحصائية العضو







 
 


التوقيت

التواجد والإتصالات
ابن بغداد غير متواجد حالياً

كاتب الموضوع : جعفر المندلاوي المنتدى : احباب الحسين للشعر الشعبي
افتراضي

جزاك الله تعالى احسن الجزاء












عرض البوم صور ابن بغداد   رد مع اقتباس
إضافة رد



أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

Loading...

Powered by vBulletin® Copyright ©2000 - 2024, Jelsoft Enterprises Ltd. TranZ By Almuhajir
جميع الحقوق محفوظة لمنتديات احباب الحسين