قصيدة (الله اعليك يا كمر هاذه الكون ** احجي الصدك وياي مو جلمه التنكال)
الله اعليك يا كمر هاذه الكون ** احجي الصدك وياي مو جلمه التنكال
ليش مره اشوفك نص ** وليش مره اشوفك كامل كمال
وانته كمر حر واصيل ** والحر ما يجذب محال
انه ادري كل البيك من عباس ** وادري الكمر يوكف العباس اجلال
اريد احجايه منك للما يحب عباس ** منك دليل وبرهان ينكال
هسه احجي الصدك يا حر ** وكلامك دليل ايسكت الدجال
لاجل عباس احجي التريده ** ولاجل عباس احجيلك افعال
اجفوف عباس الكمر بيه ** ولو راحن مني اتشوفني اطلال
وبجف واحد اتشوفني نص ** ولو شبك جفينه اتشوف الكمال
ونوري من نور عباس الكمر ** ونور عباس ما يقبل جدال
لو راح مني نور الجفيل ** انكلب ظلمه واصبح خيال
هاذه كمر دنياك كال ** جمالي عباس ما بين الاشكال
احجي وي المايحب عباس ** كمر دنياك حل كل الاشكال
اليحب عباس والله احبه ** وحطه فوك راسي اعكال
احجي للمايحب عباس ** اريد منه يحل السؤال
الكمر صار نصين لمحمد ** ونوره من نور عباس ينهال
ارجوك رد وحل السؤال ** وانطيني الجواب بالحال
ادري بيك متحل السؤال ** وعقلك امحير وحوالك احوال
لو طال الحجي ايجيب المضره ** شو كف الحجي شو طال
كول احب عباس احسلك ** تنحسب بالحال وي الرجال
جوابي احب عباس والله ** وهاذه جوابي وياك مكبال
هنيالك ابحب عباس ومهنه ** واذنوبك يخي بالحال تنشال
وهاذه حد حجيي وياك ** اكلك امهنه ابهاذه القبال
والزهره تطلع يوم الحشر ** بجفوف عباس وتحقق الامال
ــــــــــــــــــــــــــــــــــــ
بقلمي خادم اهل البيت (ع)
(عبدالله الشاعر)
المواضيع المتشابهه
العرض العادي
