العودة   منتديات احباب الحسين عليه السلام > القسم الأدبي > احباب الحسين للشعر الشعبي
احباب الحسين للشعر الشعبي يختص بكل أنواع الشعر الشعبي


مجلس لسيدي ومولاي أبا الفضل العباس عليه السلام

احباب الحسين للشعر الشعبي


إضافة رد
قديم 31-10-2014, 08:47 PM   المشاركة رقم: 1
معلومات العضو
خالد محمد مهدي الحجار

إحصائية العضو







 
 


التوقيت

التواجد والإتصالات
خالد محمد مهدي الحجار غير متواجد حالياً

المنتدى : احباب الحسين للشعر الشعبي
مجلس لسيدي ومولاي أبا الفضل العباس عليه السلام

لسان حال العقيله مع العباس عليهما السلام

((أَبيت اللعن))

*****

أَبَيت اللعن يابو الفضل عباس // بوسه عله يمينك

خوَّه ونخوه يامرهف الاحساس // الغيره بجبينك

يابدر بسمايه

ماطاحت الرايه

بوسه عله يمينك

**********

جذَب من كَال ابو فاضل نسخته // والله مانساني

ذو الفقار بيمينك نسخته // يامرهب زماني

الملك الموت أخذ بيده نسخته // حل ماأله ثاني

اليكَابل سيف أبن حامي الحميَّه ** يعني أمواجه الموت

بعينه يشوف لحظات المنيَّه // متحرضله تابوت

يسبيهم سبايه

ماطاحت الرايه

بوسه عله يمينك

**********

ضعني يحس بوجوده ويمناه // حتَّه أحتوه دهري

بعدني بخير مادامتلي يمناه // جفَّه يحمي خدري

شكل لم البنين وصحت يمناه // حتَّه بجه صبري

عيني ماتفارك عينه لليوم ** والصوره بخيالي

من جفّينه لجل الماي محروم** والعزّي ودلالي

مارد ويَّه مايه

ماطاحت الرايه

بوسه عله يمينك

**********

أحزّم صبري لآلآمي وعدَّه // وتحضَّر للجروح

حزني والألم أحسب وعدَّه // مكانه كلبي والروح

أخويه علمَّه حيدر وعدَّه // يمسح دمعت النوح

شلون أنسه وكَفته وظلَّه خيمه ** خدري ينام بحماه

غدر بيَّه الزمن بعده هظيمه ** كطع يمنته ويسراه

قصه بلآ نهايه

ماطاحت الرايه

بوسه عله يمينك

**********

أصحاب السقيفه السبب همَّه // أبو بكر وعمرهه

دين الله ألمن يشكي همَّه // من الجور وغدرهه

أنتخه حسين المبادىء بوفه وهمَّه// ماعاكَه كثرهه

سلَّم راية العزَّه عضيده ** عالي رفرف لواه

ألأخو بهل الكلفه أبو اليمه يريده // ناذر روحه يفداه

خط ألهه بدايه

ماطاحت الرايه

بوسه عله يمينك

**********

عله العباس للأيام سلهه // وأسمع منهه لجواب

لركَاب العده ذلهه وسلهه // مثل أيمين ابو تراب

ترسهه أركاب كوَّه تشيل سلهه // خلَّه الدمه خنياب

سبع الكَنطره من وفَّه لوعود ** أعذره مايجيني

ماأعتب عليه لخيامي ميعود ** يمناه بيميني

كلمن أله رايه

ماطاحت الرايه

بوسه عله يمينك

**********
(( ماطاحت الرايه))
*************
ماطاحت الرايه من أيد عباس **ݘفوفه عالخيم والحره حراس
**بيها ايصافح الزوار أخـــــيّه
**عوف احلام ووهام اّل أميّه
************************
خلّه المبغض العايش بأحلام ** خلها عيونه من احقاده متنام
خل يتصور العامود علهـــام **وخلّه أيگول بنت الخـدر تنظام
عله الغيره وشهامه الله ميقبل
حاشه الراس بالعامود ينــــذل
**راسه غفه بحضن بن الزݘيه **
**عوف اوهام واحلام ال اميه **
***************
يخسه الگال مكطّعه ݘفوفــــــه **نگلّه الكربله اگصد وشوفه
السبب من عافته أدوّر بطفوفه ** عالايتام كلمن شبك خوفــه
يعرف زينب اخته اليوم تحتار
عاف جفوفه يمها اطّفي بالنار
**مارضه الحادي اخته سبيّه**
** عوف اوهام واحلام ال اميه**
***************
وينه السأل عن جوده ومايــــه** راح أويه الضعن يزكي السبايه
اليكول انطفت عينه انعمه رايه** عيون للحرم سارن حمايـــــــــه
مالاح السهم عينه ولاصـــــاب
وغير الحجي هذا الكال جذّاب
بيمن يحرس العينه طفيّــــــه****
**عوف اوهام واحلام ال اميه**
**************
اگصد كربله يلّي تعاند **لاتبقه ذليل علينه حاقـــد
شاهد مانريدك الله شاهد **كافي ياأخي عنّه التباعد
ماعندك دليل اتلوم بينـــــه
تعال ويانه حب عترة نبينه
**اناشد الذي عنده حميّـــــــــه
**عوف اوهام واحلام ال اميه
**************
ملك الموت من أمرك يحضّره **حصيرك التراب ودار حفره
جواب اليسألك لازم أمدبـــــره **النار تريد من ݘدمك العثره
رد الطينتك وحفظ عهدها
حته الجنه ويانّه تردهـــا
عوف اوهام واحلام ال اميه *بحب حسين محلات المنيـــه**
****************************************
بگلبك ماتحس لحظه ابأشاره **تشوف العاف بزره وهجر داه
ماهمّه لرهاب وخاف نـــاره **طوه درب المنيه أتعنّـــــه زاره
يحس بݘفوفه من شاف المنايـــر
يطب بصحنه وسمه يسجله زاير
**باب حسين بابه وجنّه هيّه
**عوف اوهام واحلام ال اميه

*********************************************

((سلآم الله علأبو الغيره ))
**---------------**
سلام الله على عينك يبو الغيره أبسهمهه
سلام الله أعله جفّنيك يبو الغيره أبألمهه
على راسك وأنفاســك **على جودك وأحساسك

سلام الله يبو الغيره سلآم الله
**--------------------**
شوصف عن معاني الوفه وكتبها ** بيـــــك الوفه ياخصله ألمجرّبهه
كلشي بيك من أطباعــــك أنحبهه ** غيابك يبو اليمه الروحي عذّبهه
سلام الله علــــــــى يمناك من رفعت علمهه
سلام الله أعله كل خطوه مشت بيهه جدمهه
عله عيون التراعينه **عله الزود اليحامينه
سلام الله يبو الغيره سلآم الله
**--------------------**
أيد بأيد من بابـي خذتنـي ويـــاك ** كلبـــــــــــي أبين أيدك وأمّنت بحماك
تدري بحالي خويه شصاربعد جفاك**طاح حسين بعدك خدري صار ألواك
سلام الله عله جبينك نضح بالغيره حادينه
سلام الله عله عيونـــك نواسيهه وتواسينه
عله يمينك عله يســـارك **عله الهيبه الحمت دارك
سلام الله يبو الغيره سلآم الله
**------------------------**
أنبنت خيمة خدرنه بجفَّك الميمون** حرسهه رايه سيف وجف كلب وعيون
ويانه الدهر مايغدر وبينه يخـــون ** راوانــه العذاب بغيبتك جـــم لــــــــون
سلام الله يليث الطف عرينك من يوصلَّه
سلام الله أعله أيمانك ابد مايقبل الذلَّـــــه
عله جروحك وآلآمك **عله سنينك وأحلآمك
سلام الله يبو الغيره سلام الله
**-----------------------**
أنحنه شط الفرات الخطوَت جدامك ** يطا وع يمنتك أو يمشي كدّامك
لخيمنه بي ترد وتحقق أحلآمـــــك ** ياعباس ماأنســــــــــاهه آلآمك
سلام الله عله شفافك الماضاكت براد الماي
سلام الله أعله طبع البيك حنيَّه وكلب وفّاي
عله ضعونك الحارسه
عله الكنطره وفارسهه
سلام الله يبو الغيره سلام الله
**----------------------**
مشيت بغير حادي دروب ماأندل ** جور الدنيه سـاعه بســاعه يتبدَّل
عليمن بعــد ياحادينــــــــــه ندلل ** تعرف زينب أختك راسي ماينذل
سلام الله عله الخوَّه البقت مابينك وبينـــي
سلام الله عله مروتك ويايه مشت تحميني
على وكفاتك بسوحك
على تضحيتك بروحك
سلام الله يبو الغيره سلام الله












عرض البوم صور خالد محمد مهدي الحجار   رد مع اقتباس
قديم 31-10-2014, 11:39 PM   المشاركة رقم: 2
معلومات العضو
محـب الحسين
 
الصورة الرمزية محـب الحسين

إحصائية العضو







 
 


التوقيت

التواجد والإتصالات
محـب الحسين غير متواجد حالياً

كاتب الموضوع : خالد محمد مهدي الحجار المنتدى : احباب الحسين للشعر الشعبي
افتراضي

طيب الله أنفاسك
وجزاك أحسن الجزاء












توقيع : محـب الحسين

عرض البوم صور محـب الحسين   رد مع اقتباس
قديم 01-11-2014, 12:34 AM   المشاركة رقم: 3
معلومات العضو
خالد محمد مهدي الحجار

إحصائية العضو







 
 


التوقيت

التواجد والإتصالات
خالد محمد مهدي الحجار غير متواجد حالياً

كاتب الموضوع : خالد محمد مهدي الحجار المنتدى : احباب الحسين للشعر الشعبي
افتراضي

ممنون من كل قلبي لمروركم وفيضكم العذب
شكرا جزيلا
لاتنسونا بالدعاء
شكرا // ممنون












عرض البوم صور خالد محمد مهدي الحجار   رد مع اقتباس
قديم 01-11-2014, 02:33 PM   المشاركة رقم: 4
معلومات العضو
عاشقة ام الحسنين

مراقـــبة عـــــامة

 
الصورة الرمزية عاشقة ام الحسنين

إحصائية العضو







 
 


التوقيت

التواجد والإتصالات
عاشقة ام الحسنين غير متواجد حالياً

كاتب الموضوع : خالد محمد مهدي الحجار المنتدى : احباب الحسين للشعر الشعبي
افتراضي

اللهم صل على محمد وال محمد وعجل فرجهم ياكريم
عظم الله اجوركم بمصاب كفيل زينب فديته الارواح
كلمات وحروف بمنتهي الروعة
أحسنتم












توقيع : عاشقة ام الحسنين

عرض البوم صور عاشقة ام الحسنين   رد مع اقتباس
قديم 01-11-2014, 02:33 PM   المشاركة رقم: 5
معلومات العضو
عاشقة ام الحسنين

مراقـــبة عـــــامة

 
الصورة الرمزية عاشقة ام الحسنين

إحصائية العضو







 
 


التوقيت

التواجد والإتصالات
عاشقة ام الحسنين غير متواجد حالياً

كاتب الموضوع : خالد محمد مهدي الحجار المنتدى : احباب الحسين للشعر الشعبي
افتراضي

اللهم صل على محمد وال محمد وعجل فرجهم ياكريم
عظم الله اجوركم بمصاب كفيل زينب فديته الارواح
كلمات وحروف بمنتهي الروعة
أحسنتم












توقيع : عاشقة ام الحسنين

عرض البوم صور عاشقة ام الحسنين   رد مع اقتباس
قديم 01-11-2014, 02:34 PM   المشاركة رقم: 6
معلومات العضو
عاشقة ام الحسنين

مراقـــبة عـــــامة

 
الصورة الرمزية عاشقة ام الحسنين

إحصائية العضو







 
 


التوقيت

التواجد والإتصالات
عاشقة ام الحسنين غير متواجد حالياً

كاتب الموضوع : خالد محمد مهدي الحجار المنتدى : احباب الحسين للشعر الشعبي
افتراضي

اللهم صل على محمد وال محمد وعجل فرجهم ياكريم
عظم الله اجوركم بمصاب كفيل زينب فديته الارواح
كلمات وحروف بمنتهي الروعة
أحسنتم












توقيع : عاشقة ام الحسنين

عرض البوم صور عاشقة ام الحسنين   رد مع اقتباس
قديم 01-11-2014, 10:30 PM   المشاركة رقم: 7
معلومات العضو
خالد محمد مهدي الحجار

إحصائية العضو







 
 


التوقيت

التواجد والإتصالات
خالد محمد مهدي الحجار غير متواجد حالياً

كاتب الموضوع : خالد محمد مهدي الحجار المنتدى : احباب الحسين للشعر الشعبي
افتراضي

ممنون من كل قلبي مع الود
لمروركم وفيضكم العذب
شكرا // ممنون












عرض البوم صور خالد محمد مهدي الحجار   رد مع اقتباس
إضافة رد


المواضيع المتشابهه
الموضوع كاتب الموضوع المنتدى مشاركات آخر مشاركة
مجلس عزاء لسيدي ومولاي مسلم بن عقيل عليه السلام خالد محمد مهدي الحجار احباب الحسين للشعر الشعبي 2 02-11-2014 02:55 PM
تصاميمي لسيدي ومولاي أبا الفضل (ع) كبش الكتيبه احباب الحسين للتصميم والجرافكس 1 15-01-2014 11:50 PM
جزء من الوفاء لسيدي ومولاي الامام جعفر الصادق (عليه السلام حسينية الهوى منتدى أهل البيت (عليهم السلام) 2 25-10-2011 02:23 AM
أبوذيات لسيدي ومولاي الامام علي عليه السلام العرداوي احباب الحسين للشعر الحسيني 13 20-09-2011 08:42 PM
هديتي الى سيدي ومولاي ابو الغيره ابا الفضل العباس (عليه افضل الصلاه والسلام) عاشقه صاحب الزمان احباب الحسين للمرئيات والصوتيات الاسلاميه 7 29-10-2009 04:55 PM


أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

Loading...

Powered by vBulletin® Copyright ©2000 - 2024, Jelsoft Enterprises Ltd. TranZ By Almuhajir
جميع الحقوق محفوظة لمنتديات احباب الحسين