آ يلأكبر// علّمتني أعله الدمع
آ يلأكبر// بيك يايمه أنفجع
أكَعد أحسبهه الليالي وأحسب الساعه شهور
والدمع من عيني ينزف أبد مايشفي الصدور
يمَّه عنَّك يوم واحد أبتعد جنَّه دهور
أدعي بالخيمه تردلي وتملي كلبي بالسرور
تغيب عنّي // وشمسي مايطلع فجرهه
تغيب عنّي // ليالي وتفارك كمرهه
تدري لوليد أشمعزَّه على كَلب أمَّه بحضوره
حالهه شلون بغيابه تعمه لو فاركَت نوره
تنوح مهجتهه وكَلبهه وتمسح الدمعه السروره
ماني حكَي اللراح غالي والحزن ينتظر دوره
عليَّه دارت // دنيتي بهم وألم
عليَّه دارت // حالتي صارت عدم
ترد عليَّه وكَلبي جمره بنورك أطفّي جمرته
ياعلي للخيمه أرجع وأمسح من الخد دمعته
ربّي يل رجَّعت يوسف بشوك أم أنطررجعته
آخروداع أرد أودعه بنوح روحي ودعته
ياخذ الروح // يكَصد الحومه بوفاءه
ياخذ الروح // يعلن بروحه فداءه
شوصف بساحات حربه البكر ابن غانم يصرعه
وجبده شعلة نار تلهب للعطش صبره يجرعه
لسانه مثل الخشبه يابس بياض عيني نشف دمعه
رجع للحومه وجفاني آخر وداع آني أودعه
أموذّر يعود // صار حال الظيم حالي
أموذّر يعود // حزني يبجيهه الليالي
شبه جدَّه بكل معاني خلق وخلآقه المحمد
صرت أعيش بغير دنيَه وين عنّي الاكبر أبعد
هل المصيبه أمين أجتني خلَّه دمعي نار عالخد
كوَّه جنت أحسب يردلي ظنّي خاب وبعد مارد
نهار والليل // جرحه كلسا ينلجم
نهار والليل // صوره سوده أيمر حلم
**********************************
العرض العادي
