بحماك ياخوي طلعنه // بليّاك بالهم رجعنه
يومك شــلون أنساه
كل لحظه أحيا وياه
***************
من المدينه أسمع شكوتـــي للحزن ظل كلبي داره
ردت عزَّت ديـــــــن جدَّك دمَّك الصحح مســاره
صار صدرك مسجد الطف وراسك بوسطه مناره
العلم للعالي أنرفـــــــــــع
صوت الحقيقه من صدع
مابقه واحــــــــــد ماسمع
أنته حق ݘاوين ثاره
والليل ݘلݘل بسواده // واصل بالحزن وداده
واسه حزنـي واساه
كل لحظه أحيا وياه
**-------------**
گلبي ريته أنذبح يمَّك ولانظر عيني بقالـــــي
عمري مايسوه بدونك مو أعز منّك يغالــــــي
وآنه من يومي يوالي روحي أصبّرها وحالي
أنتظر أيام الخطـــــر
وآني بأشد حـال وأمر
مض بيَّه بسهامه الدهر
من وگعت خوي گبالي
أمسه منَّك محرومه // مظلوم وآني مظلومه
والحزن سهمه أمضاه
*************
مݘتفينه يساره رحنـــه صرنه فرجه ألهم عجيبه
الخرابه العزنه صارت دارنه بعد المصيبــــــــه
واليتامه والحرايــــــــر تحس كل وحده غريبـــه
أخذونه من درب الدرب
يحسين بالسب والضرب
وتحمّلت كــــل الصعب
الثورتك هذي ضريبه
تدري يانور عيوني // ماگدروا يذلُّوني
بالطف عهدك وفّيناه
كل لحظه أحيا ويــاه
****************
رجعت وحزاني عله متني حاملــــــه هموم الرزيَّه
صُوَر أبطـــــــال وجثثهم عيدهم هاي المنيَّـــــــه
سابحــــــــــه بدم الشهاده نجوم ظلَّت عالوطيــــه
ياخوي ولشوفك أحن
عايشه أبقه بالحــزن
تمنّيت يومي وندفـن
بعد يوم الغاضريه
ردّيت خطواتي دموع // آهات كلبي المفجوع
حالي الصخر بجّاه
كل لحظه أحيا وياه
**-------------***
المواضيع المتشابهه
العرض العادي
