((كعده))
صوت الظليمه
***********
صوت الظليمه سمعته // تلكت الميمون//بياحال يالون
بلهفته عنّة سألتـــــــه -- دم تجري لعيون
دم تجري لعيون
==================
شــــلون يلميمون صاحت للمخيم ترد خالــــــي
شوفتك مرمرت كلبــــــي وحالتك غيرت حالي
دمعك يصب عالحوافـــــر تاه فكري وشده بالي
خبرني بحسين اشجره
بياحاله عفته عالثــــره
خليتــــــه جثه اموذره
عافني وراح بله والي
صاحت يجدي ندبته// ياسيد الكون// الصبر والعون
ياشدتي وياغربتي--- عنّي يبعدون -- عنّي يبعدون
بلهفته عنّه سألته / دم تجري لعيون
*********************
شبجت عله الراس عشره هامت عله الوجه بالبر
وكفت اعلـــــه التل تنظره عاينة لوعة المنظر
شافته ينازع بروحـــــــه وصلته وشمت المنحر
وصّاهه رجعي الخيمتج
جمعي يزينب عيلتـــــج
ياخوي هـــــذى محنتج
انتي ألهه وانتي الاقدر
لطمت عالراس وبجت--- والكلب مطعون --- للطاعه ممنون
ردت للمخيـــــــم تون--- ويّه اليونّـــــون--- ويّه اليونّــــون
بلهفته عنه سألته / دم تجري لعيون
********************
بمصرعه عافته او ردِّت بالدمع تعثــــــــــر وتنحب
وصلت الخيمكه بهمهــه خلته عــله الثره امخصب
فزعن عليهه الحرايــــرمصيبه من مصيبه اصعب
مشدوهه متعوبة فكر
تلكنهه ربّات الخدر
ياريت ماهل الفجر
والهظم للراس شيّب
هجمت الخيل بـــلا رحم --- وين اليفزعون --- وعنهن يردّون
بخوف وهظيمه وبرعب --- بعد اليظلّون --- بعد اليظلّون
بلهفته عنه سألته / دم تجري لعيون
*********************
نـــــــار شبّت بالمخيم من وكع ابن الزجيه
الحرم واطفاله هرعت خايفه من خيول اميّه
وزينب احتارت بلمهم من بعد هاي الرزيه
محني ظهرهه من الالم
تبجي دمعـــه يجري دم
صاحت يشيال العلـــــم
جاوين ابن حامي الحميه
جاوينه عني ابو الفضل-- الكَلي ممنون -+- ياكافلي شلون
حيرتهه باطفال وحـرم --- بالحال تدرون --- بالحال تدرون
بلهفته عنه سالته / دم تجري لعيون
*********************
من المدينه الكَبر جدهه توجهت نادت يجدي
هذا جسم حسين دامي بكربله عافوني وحدي
وعالنهر طايح كفيلي عكب اخوتي شبكه عندي
الاكبر توذرت جثته
وجسّام طفّوا شمعته
والطفل نبله فطمته
أمين اسولفلك وأبدي
ظليت بالهم والحـــزن--- ابجي ويبجون--- كل اليوالون
وعله المصيبه الفاجعه--- ظلّوا ينوحون--- ظلّوا ينوحون
بلهفته عنه سألته / دم تجري لعيون
*********************
المواضيع المتشابهه
العرض العادي
