مو غريبة لو عرفتك من عصور
وشفت وجهك بالاصل من عالم الذر..
وصوتك الناغاني واني وبالمهد..
وبيك مشاني ومشيت وية العمر..
سنين واني ارضع حليب الانتماء..
وبين حلمي ويقظتي طيوفك تمر..
ماعرفت اسمي بكثر ماني عرفتك
بيك اتوجة واكوم بكل يسر..
علموني مدري اني تعلمت..
انت مثل الماي ماينوبك امر..
يعني مايسد خلتك غيرك ابد..
هوة واحد حيدرة مثل الكمر..
شلون اوصفك بيك يحتار الوصف
انت قران ونطق كل السور..
وانت بضعة من نبينة الهادي جنك
يعني بضعة من الطهر..
وانت تنصيبك ولي من السماء
تنزل باسمك علي وشاع الخبر..
وانت بالدنيا حصن سوره منيع
واحنة بيه انلوذ لو يلفينة شر..
وانت النة الذخر في وقت الحساب
نريد جيتك لو وردنة اعلى الكبر..
وانت رب الكون سماك العلي..
لان فقارك بتر راس الكفر..
وانت انت يعني انت وكلشي انت..
حتى للمعنى صغت صورة واثر..
وانت علمت الطباع شلون تحلى
ومن بحورك كعد يتروى الصبر..
وانت اية من الكريم تنزلت
للناس نعمة ومستقر..
وانت صوت الله واكبر بالاذان
الي يشع وية الفجر..
وانت بالنسبة الي الام والابو..
وحتى لعيوني اقرب انت من النظر..
وانت ميزان القوافي ابيت شعري
وانت بستان النثر..
وانت جنة وفاز بيك المتقين..
انهار حبك تجري بكلوب البشر..
اللهم صل ع محمد وال محمد وعجل فرجهم
السلام عليك يا سيدي يا ابا الحسن يا أمير المؤمنين ورحمة الله وبركاته
السيده الفاضله..| شاعرة بابل
لَقَد بْهَرَت بِجَمَال حرفكـ
نثرتي دررا يملئها الابداع
لروحكـ الفرح
بسم الله الرحمن الرحيم
اللهم صلّ على محمّد وآل محمّد وعجّل الفرج لوليّك القائم
الحمد لله الذي أمرنا لنكون مع الصادقين ،
والصلاة والسلام على أشرف خلق الله محمّد الصادق الأمين ،
وعلى آله الأئمة الصادقين الهداة المهديّين ،
لا سيّما بقيّة الله في الأرضين ،
عجّل الله فرجه الشريف.
السلام عليكم ورحمة الله وبركاته
،
طيب الله أنفاسكِ الولايهـ
اجدتِ وابدعتِ غاليتي
شاعرة بابل
بانتظار ابداعتكِ القادمهـ
والله الموفق
فبوركتِ
وفقكِ الله بحق أهل الكساء
عليهم السلام