قصيدة / شيعي آنه
...............................
...............................
شيعي وافخر بانتمائي
وافدي للمذهب دمائي
..............
شيعي آنه او مذهبي واضح صريح – عْلومه من بيت النبي او منهج صحيح
هذا واقع يالتشكك مو مديح – رافضي او اعلن ولائي
..............
آنه من عابس تِعَلمت الجنون – بْشخصه آني مقتدي نور العيون
وافدي روحي المذهبي مهما يكون – بالصلاه ارجو او دعائي
..............
الامامه امْثبّته ومْن الاصول – واعتقادي بيها واليوم المثول
ما يهمني الناصبي واشما يگول – طايع الامر السمائي
..............
طايع آنه او مِتّبِع امر الحبيب – شيعي واتبع للوصي طايع مجيب
كل موالي الحيدره لا ما يخيب - افتخر واحمل لولائي
..............
والولايه هيّه دربي للنجاة – للوصي الكرار اتبعه او للمات
سر نجاتي او منقذي من الطغاة – واهتف او اطلق ندائي
..............
مذهبي او بيه اعتقادي عن يقين – بالحساب احمل كتابي عاليمين
هناك ابو اليّمه الي هوّه المعين – وبالجنان اضمن بقائي
............................
............................
خادم اهل البيت ( ع )
الشاعر
سعيد الفتلاوي الطويرجاوي
المواضيع المتشابهه
قصيدة / شيعي وافتخر
العرض العادي
