شمس الخلود , في مولد اصل الوجود حسين الشمس بيه الكون شال الراس ... والعباس روحه وبالشدد فييه
عباس العقيده ومنهل النوماس ... وحسين الرساله بدمه مرويه
حسين اعظم سفينه وللمكارم ساس ... والعباس فزعاته وتفانيه
عباس لحضرتك تعتنيك الناس ... وحسين بمقامك تنتخي الدنيه
حسين على الكفر هال التراب وداس ... والعباس صولاته اماميه
عباس الشهامه البيك ما تنقاس ... وحسين القيم ترتشف من ميه
حسين اصل اليقين وتفتديه انفاس ... والعباس خالد للابد ضيه
عباس الكمر عباس اهو النوماس ... وحسين الامم لترابه محنيه
حسين اصل القيم دك بالطفوف ارجاس ... والعباس بيه خدور محميه
عباس بوجودك ما خدر ينجاس ... وحسين الارض تنتضر مهديه
حسين اعتاب بابك كل وكت تنباس ... والعباس لجله الروح مفديه
عباس لمقامه الكون دك اجراس ... وحسين بحقدهه اعداه مفنيه
حسين بسيف ابوه انتحرت الارجاس ... والعباس رايه ترف حسينيه
عباس الفخر لحسين والعباس ... وحسين الامام الذل اعاديه
حسين من الرسول الطيبه والاحساس ... والعباس حيدر ميه بالميه
عباس بفزعتك جن فرح واعراس ... وحسين بثباته الكوم مسبيه
حسين اعضم عقيده وجوهر الاقداس ... والعباس تشهد كل مواضيه
عباس الحسين وللكفر نككاس ... وحسين الشيم طوفان جاريه
حسين اعضم تحدي وللبشر نبراس ... والعباس طيب وخير طاريه
عباس بطبرته الروس تغدي اكداس ... وحسين بصرخته الدنيه مجفيه
حسين تصيح بسمك بالبشر اجناس ... والعباس للحك اايه ثوريه
عباس النجاة وبالقلب جممار ... وحسين الجنان لعينه مبنيه
حسين ابن الزجيه ومشعل الثوار ... والعباس جتتال اليزيديه
عباس على سيل اهل المكايد ثار ... وحسين لمحمد نذر غاليه
حسين ويه النوايب رككع الاقدار ... والعباس بيه العايل تمرمر
عباس على روس عداه صب النار ... وحسين بنضرته الباطل تكسسر
حسين ابن النبوه وقلعة الاحرار ... والعباس بيه الطاغيه تحير
عباس الاباء وسيف حامي الجار ... وحسين بحضرته الكون يتعطر
حسين انطه الاسود وضححه بالابرار ... والعباس ناذر عمره للاكبر
عباس امتداده لحمزه والطيار ... وحسين الجسر للجنه والمعبر
حسين انته الفريضه وجاه لاهل الدار ... والعباس بيه الما عمر يعمر
عباس الهدايه ودوم ما يندار ... وحسين السفينه الما صعد يخسر
للشاعر رحيم الحسناوي
المواضيع المتشابهه
العرض العادي
