:55555":
أحياء لذكرى استشهاد كوكبه طيبه طاهره من زوار الحسين ع في العام الماضي
في منطقة طويريج بنفجار أرهابي وكنت أنا عماد الدريعي قريب من الأنفجار
حيث رئيت المنضر المروع لقسوة أعداء الحسين وولدة هذه القصيده
أحيئا لكل شهيد أرتفعت روحه الطاهره في طريق الحسين وتناثرت اشلائه في حبه
تقبل الله من الزائرين وحفضهم بحفضه ورد كيد اعدائهم واعداء الحسين الى نحورهم
أنه سميع عليم
أولاد عابس
هوينه الما هــــــوه ابكـــل عمره خسران = والما هوه ايگــــــــول انگــــول چذاب
هوينه وعلـــى ادروب العشـــــگ ماشين= ومرد چـم گلب حبه وعــــنه مــــا تاب
والما هــــــــوه ابعمــره اتراب الحســـين= حتمـــا گلــــبه خشـــبه أبـــــأيد حطاب
وبقت تنـــزف اگــــلوب البيه امعلــــگين= اطفال ونســـــاء وشــيـــب والــــشاب
ابغير ادروب حبــــنه اتشــوف هلــــناس= تعوف ادروب حبهه ابوكت الأمصــاب
وأحـــنه اجــــروح تمشي وماهي رجلين= ونـــدوس اعللـــجـــروح ودم الأحباب
ومن طبــــــع الأحبـــاب أذوب الأگلـــوب= ابعشگنه الجسم كلـه ابحضـــرتك ذاب
وهـــاي الشيعــــه لجـــــلك صفــو قربان = ابكـل تفجــــير ثبـــتو مـــا يرجـــعـون
أشنرجـــــع هــــيه رجـعـتـنـه للحســــين= فــــــروع وللأصــــــل لابــــــد يردون
ملانه اللطـــــم ملتنه ملـــتـنه الأصـــدور= ونــــدور عليفــــخــــخ واليفـــجــرون
لو شفنه الجفــــن بـــيه تزجـــــر ادموع= نخلـــــي العــــين تلطــم ويه الأجفون
فخــخـــنــه الحــــزن ومــنـــاگــــــل الآه= حسره ومن نهـــدهه اتفـــــجر الكون
مو تفجــــير هــــذا انفجـــرت اصــــدور = واطــــور لطمنه وصــــــار اله افنون
عليك امـــــن الحزن مــو تهمـل العــــين= صبحــــنه ابگاع حزنك نمطر اعيون
يردونــــه نعوفـــك يا منـــــى الــــــروح= ما رهــــمت گــــــبل چا ترهم اشلون
شنهي المــــــــوت گلــــي وشنهي تفجير= والشيعه اشـيردهم مـــــن يعــــبسون
أحنه اولاد عابـــــس مــــو ولــــد عاص= زرع بينه الجنون وخضر اجنــــــون
وزرع عشگ الحسين وعشگ الأحسين= ما ترهمـــله گــــاع اتصــــير ماعون
يخوفنه اعلـــــدربه ابگطعت الــــــروس= ما لازم تشــــيل الـــــراس الأمتـــون
من يگطع الراس ابشــــوف الأعـــــيون= احط راسي اعلأيدي واعتني ازحوف
وقسمين ابحضرتك يا ضــــــوه العــــين= جسمي وراسي يمك سيدي ايطــوف
راســــي وجسمي يتعنن وطف بيه
وترس دمــنه درب حبك وطف بيه
أخذ من دمنه يل الوالي وطف بيه
جمرت عطش يوم الغاضريه
بقلم الشاعر الحسيني
عماد الدريعي
المواضيع المتشابهه
العرض العادي
