العودة   منتديات احباب الحسين عليه السلام > القسم الأدبي > احباب الحسين للشعر الشعبي
احباب الحسين للشعر الشعبي يختص بكل أنواع الشعر الشعبي


مجلس الامام الحسن الزكي عليه السلام

احباب الحسين للشعر الشعبي


إضافة رد
قديم 28-11-2014, 09:36 PM   المشاركة رقم: 1
معلومات العضو
خالد محمد مهدي الحجار

إحصائية العضو







 
 


التوقيت

التواجد والإتصالات
خالد محمد مهدي الحجار غير متواجد حالياً

المنتدى : احباب الحسين للشعر الشعبي
افتراضي مجلس الامام الحسن الزكي عليه السلام

مجلس الأمام الحسن عليه السلام
*********
((ويلاه جبدك مسموم))
********
ويلاه جبدك مسموم
ويلاه أتفاركنه اليوم
*******
بحرجود الكرم هالليله وادعنه
ودموع الحزن لمصابه تجمعنه
خلّي نصيح كل الدنيه تسمعنه
عله مصاب الحسن كِلب المحب مالوم
*****
عظيم الشان أبو محمد يوالينه
نواسي اليوم زينب وتواسينه
مانشفت عله مصابك بواجينه
حفظت دم شيعتك وجفيتنه مظلوم
****
الظالم مارعه عهدك ولاصانه
العهد خلآّه تحت جدام نسيانه
طبع منآل أميَّه الذلَّه وخيانه
تظل يالحسن شامخ قمَّه فوك نجوم
****
أمام وسيد الجنَّه يسيّدنه
وبكل خطواتنه نهجك يسددنه
تعلّمنه منو ويانه ومنو ضدنه
دربك للموالي واضح ومفهوم
***
يبو محمد كصد جبدك مرار السم
ثلث تيَّام باقي أتعانـــــي من الهم
وبوسط الطشت جبدك وذر يلتم
عليك الموت يامولاي أمر محتوم
***
حسين مكَابلك ويعاين الحالك
وزينب بدمعهه واكَفه كَبالك
الموكَد والمضايف تبجي ودلالك
بكل يوم الكَلب بمصيبتك ملجوم
****
عله نعش الجنازه ألتمت الاحقاد
أجتَّك عائش هوياها زمر أوغاد
رمت نعشك سهام موسّمه بأحقاد
ملعونه السقيفه بيها جم لملوم
*********************************
للامام الحسن عليه السلام((لاكاهه المنيه ))
* *****************
وداع الحسن هل اليوم ** بجبد مالوم مسموم
لاكاهه المنيَّه ** ويلي أبن الزجيه
**-------------------**
نودع أبن الزجيَّه والكلب ملجوم** ودموع العين تجرب لفركته من دموم
بسم جعده يويلي والجبد مسموم
نظــل أنوح فركاه ** آه يابو محمد آه
بكل صبح ومسيَّه ** ويلي أبن الزجيه
**-------------------**
جبد وسط الطشت وذره بعد وذره ** راح أيروح عنَّه بدمع والعبره
اوعه وأدري راح أطول هالسفره
الغيبه يوم يومين ** وينك يبو الحسنين
راح أتعـــم عليَّه ** ويلي أبن الزجيــه
**-------------------**
تشوف عيوني حاله والوجه أصفر ** وكباله الطشت ياشيعتي أمحضَّر
خايف آنه أشوفه وحالي يتكدَّر
بع ويامن أحجي ** ليل نهار أبجــي
ويَّه حسين أخيَّه ** ويلي أبن الزجيَّه
**---------------**
كعد يمه الحسين دموعه همّاله ** ويعرف بيه حاله أمر من حاله
وأبو اليمه رجاه أنكطع وآماله
آياعظــــم لمصاب ** خَله الدمع سجاب
عله مصابه الاخيَّه ** ويلي أبن الزجيه
**********************************
((غاب الحسن))
***----------***
غاب الحسن مسموم **ياناصر المظلوم
جبده تگطّع ونمرد
ياناصر المظلوم
***********
لهموم ويّاي بـــــــدن ** من عصرت أمي الباب
مافارگ عيوني الدمع **وبصدري ضلع أنصاب
وعالدار خــيّم الحزن ** من طبرة المحــــــراب
أدري الدمع لو بي رجه ** ݘا رجّــــــــع الغياب
أصحه وبات اعله الهظم
وگلبي يشيل هموم
**********
من شدّة السم والالم **ويلي أحترگ دمّــــــه
الموت بعروگه سره ** والمرض هد جسمه
دارت عليه كل عيلته ** يم راسه ملتمـــــــه
وعيونها تصب الدمع ** وعيون ابو اليمــــه
محسوبه ساعات العمر
وفراگه باݘر دوم
*************
يوميه صرخت نوح ألـي ** ماعندي راحت بال
بالحسره مليان الݘبــــــد ** وسوَدة الامــــــــال
وعليّه جرّب الدهــــــــر **بمصايبه من مـــــال
الراح فوگ الــــراح ادگ ** خلالي هذا الحــــال
فراش المنيّه أتوسّده
أبن الزجيه اليوم
*************
يبقه مضيفه وموجَره ** ماتطفه ابد نـــــاره
والجود من ݘفه بحر ** من يوصل اسراره
عنده ينابيع الكـــــرم **ابشارته الخطّـــــاره
عمّت علينه مصيبته **والشيعه وانصــــاره
آخر وداع نوادعه
والدمع سال دموم
*************
من صالح اصحاب الفتن ** راد الصلح رحمه
وحجَّه على اهــــل الغدر ** الما تلتزم كلمـــه
حال العمه عيون الطمع **لارحمه ولاذمّــــــه
تالي البدع واهــــل البدع** عالدين ملتمّـــــه
خسروا الدنيه واخره
الباعت ذممها الكوم
********
حضرت الشيعه الدفنته ** مفجوعه مالومه
كل ظنهم يم جدّه النبي ** توسده بهمومـه
والنعش بـسهام أنرمه ** من ناس مذمومـه
مظلوم مهظوم الحسـن ** ياشيعه من يومـه
رابع الخمسه الطاهره**راح أبݘبد مالـــــــــوم
***************************************
(( محترق الكبد))
***------------------***
من في جوفه محترق الكبد** لهٍ مدة يدا بالسم والحقد
يد ال الطليق بغيهم تبدي
**************
تسمين الحسن ياݘعدا وش فادݘ** بشرايينه زرعتي هموم احقـــادݘ
هم حصّلتي من ووعد اسيـــادݘ** لوصرتي اميره تحقق امـــــــرادݘ
تصر الناس عبيد يزيد وعبادݘ** خسرتي الدين من صاوعتي لعنادݘ
من اطبـــاع اميَّه شيمت الغدر
لايُقبل لهم في الحشر من عذر
والايات للفسّاق لاتهدي
******************
أيتخاذف جسمه من المرض والامه** بساعة موته لم اعياله گدّامــــــه
يسنده حسين وخته بأخر ايامـــــــه** أوتصب من نار كل عيون ارحامه
يظل عامر مضيفه وعاليه اعلامــه**ولايخله مكانه بگلب خدامــــــــــه
بدا في وجههم الحزن والهم
وقلوبا تعاني الفقد والغــــــم
والاهات لن تسكن في حدي
***********
بميازين التقيه وقّــــــــــع الميثاق ** ولاگطرة دمه من شيعته تـنـــــــــــراق
شوسع صدر الامام اليوسع الافاق** مثل جده النبي الاسرى على ظهر براق
لجن ابن الدعيه وخبثه بالاعمـاق ** تحت اجدامه عهده وداسهــــــا الاوراق
ندا ياأهالي الكوفه جأنــــا
نحن الحاكمين كيفما شأنا
لا اوفي لكم حرفا من العهد
*****************
تشيَع بالسهام بيوم مامثلــــه ** شيريد ابن اللعينه انشده وسأله
دين الله الحسن الكعبه والقبله ** وحگنه نصيح بي امنه وبأهلـــه
مصيبه للكگب اتعلَّه وسلّـــــــه ** على يادين ابن سفيان ياملّـــــه
للآل المصطفى قلبي ووجداني
والود لهم فالدين عنوانــــــــي
ومن عادهٌموا في موقف الضد
********************
شوكت ياربي تكشف عنّه هالغمه ** وترد تحكم بأرضك 12 يمــهً
الخير بأوله وبأخره رحمــــــــــه ** همَّه اهل الوفه والعدل والذمه
تحت رايات ثاره انصير فد كلمــه** وناخذ ثاره للضَّحه ونذر دمــه
ارواح تجير بعضهم بعضــــــا
الاهي لو رضوا حقا لنا ترضى
طوع امرهم بالحب والــــــــود

*************************************

(( مظلوم ويلي الحسن))
**--------------------------------**
مظلوم ويلي الحسن
مسموم ويلي الحسن
**----------------**
هذا أبن ثقليــــــن أيمان الوجود فيض سبع بحور من جفَّه تجـــــود
الحسن معنه للوفه وتاج الخلود حفظ دم الشيعه من جور المحــــن
------------
كشف زيف كلوب وقناع الحقد حيــن وقَّــع بالوثيقــه والعقــــــــــد
خلَّه أبن سفيان لطباعـــــه يرد ورجَّعه الصفّين وأيـــــــــــام الفتن
-----------
الخبيبث أبن الدعيّه مارعــــــــه للأمام وخان عهده الوقغّـــــــــــــه
وصاب جبد الغامنه بهل الفاجعه عليه من جدَّه الرسول الحرب أذن
-------------
عانه ماعانه الامـــــام من الغدر للخيانـــــــــــــه أيدّورون عللغدر
تريد بيد النذل أتسلمه وتفــــــــر للخيانه دولــــــــــه صاروا أوّطن
------------
توسّد فراش المنيَّه بعلِّتـــــــــه من أثر سمِّج يجعده بجبدتــــــــه
اكرب الناس أله جانت غدرته بيد جعدخ جبده بالســــــم أنطعن

**********
حسين لجل الحسن صبَّت دمعته والحسن بيجي عله أخوه ومصيبته
يدري بي ينذبح وتظــــــل جثتّه ليالي فوك الثره ماواحد دفـــــــــن
----------------
شافته والدمعه ظلّت ساجبــــــه يروحها اختــــه العزيزه أتعاتبــه
تكله خويه أميَين أجت هالنايبه منها كلبي أنسل وعيوني عمن
----------------
اليوم من أعلامنه يهوه علم ينازع بروحه ويلوج من الألــــم
أيذوِّب السم جبدته خط القلم ويبقه دمع عيونـــــــه مثل المزن
--------------
شما تهيج علينه مصرَّه الرياح والسمه يغطّوها بسهام ورمتاح
لابد علينه يهل نور الصبــــاح نشوف أبو صالح ورايته علن
-------------
بالكلب جمرات حزني تلتهب مصايب علينــــه جديده تنكتب
والله غير اهل الرحم لامانحب لو سيول دموم من عدنه جرن
************************************************** *****

ويلي عالمسموم \\ يومه هلَّت الدموع
******
اليوم يوم الحسن مسموم الجبد
والزمان أعليه أنفاســــــــه يعد
اليــــوم راح أيطول ويَاه البعد
أنوح لمصابه كّلبنـــــــه يستعد
*******
جان أبو محمد عله الشيعه أمين
مايريد الباطل وحقده الدفين
صُلح وقّع ويَّه أبن هند اللعين
عهد عنده من أمام المتقين
*********
المضايـــف والــــدلال أتيتمـــــت
علــــــه أعتاب الباب بالموكد لفت
بكل وصوف الكرم والجود أنحنت
عالحسن هاليوم دنيانــــــــه أنسبت
********
ظل يعاني أيام من سم جبدته
الغشاهه بفيض نوره خانته
هاي جعده بنت الاشعث سمّته
أتعنَّت أعله الجبد بالسم ذبحته
*********
زينب أتعاينه وتهل الدمع
تحس بآلامه الذي ماتنجرع
رجَّع أعليهه مصيبة الضلع
الحره بعده بجم مصيبه تنفجع
*********
حسين يم راسه كعد يشكي الهموم
خويه يومك كّلَّـــــه أبد مامثله يوم
عليك تبجي السمه والكاع ونجوم
تنذبح عطشان وآنــــــي بالسموم
**********
أمودع الله وياك ياأغلــــه حبيب
بعــــــد ماينفعك طب ولاطبيب
شلون عن عين اليحبونك تغيب
والجبد مسموم عن حالك يجيب
*************
الظلم للساعه يم كبرك يدور
ألك يوميَّه السلام أويه الطيور
أتحاوطك لذيابه يوميه تجور
نور الله بيك ماينطفي النور
*************












عرض البوم صور خالد محمد مهدي الحجار   رد مع اقتباس
قديم 28-11-2014, 09:54 PM   المشاركة رقم: 2
معلومات العضو
عاشقة ام الحسنين

مراقـــبة عـــــامة

 
الصورة الرمزية عاشقة ام الحسنين

إحصائية العضو







 
 


التوقيت

التواجد والإتصالات
عاشقة ام الحسنين غير متواجد حالياً

كاتب الموضوع : خالد محمد مهدي الحجار المنتدى : احباب الحسين للشعر الشعبي
افتراضي

اللهم صل على محمد وال محمد وعجل فرجهم ياكريم
بوركتم
وجزاكم الله جزاء












توقيع : عاشقة ام الحسنين

عرض البوم صور عاشقة ام الحسنين   رد مع اقتباس
قديم 29-11-2014, 08:57 AM   المشاركة رقم: 3
معلومات العضو
خالد محمد مهدي الحجار

إحصائية العضو







 
 


التوقيت

التواجد والإتصالات
خالد محمد مهدي الحجار غير متواجد حالياً

كاتب الموضوع : خالد محمد مهدي الحجار المنتدى : احباب الحسين للشعر الشعبي
افتراضي

ممنون لمروركم وفيضكم
مع الود
شكرا // ممنون












عرض البوم صور خالد محمد مهدي الحجار   رد مع اقتباس
قديم 29-11-2014, 12:40 PM   المشاركة رقم: 4
معلومات العضو
محـب الحسين
 
الصورة الرمزية محـب الحسين

إحصائية العضو







 
 


التوقيت

التواجد والإتصالات
محـب الحسين غير متواجد حالياً

كاتب الموضوع : خالد محمد مهدي الحجار المنتدى : احباب الحسين للشعر الشعبي
افتراضي

أعظم الله لك الاجر اخي العزيز بأستشهاد كريم اهل البيت
الامام الحسن عليه السلام
جزاك الله خير جزاء المحسنين












توقيع : محـب الحسين

عرض البوم صور محـب الحسين   رد مع اقتباس
قديم 29-11-2014, 02:14 PM   المشاركة رقم: 5
معلومات العضو
خالد محمد مهدي الحجار

إحصائية العضو







 
 


التوقيت

التواجد والإتصالات
خالد محمد مهدي الحجار غير متواجد حالياً

كاتب الموضوع : خالد محمد مهدي الحجار المنتدى : احباب الحسين للشعر الشعبي
افتراضي

شرَّفتني بمروركم ودعاؤكم الكريم
شكرا /// ممنون












عرض البوم صور خالد محمد مهدي الحجار   رد مع اقتباس
إضافة رد


المواضيع المتشابهه
الموضوع كاتب الموضوع المنتدى مشاركات آخر مشاركة
مجلس عزاء استشهاد الامام الحسن المجتبى عليه السلام محـب الحسين أفراح وأحزان أهل البيت(عليهم السلام) 20 27-06-2013 10:44 PM
في رثاء الحسن الزكي (عليه السلام) عاشقة النور احباب الحسين للشعر والخواطر 2 12-02-2012 07:07 PM
الإمام الحسن بن علي الزكي (عليه السلام)أشعة من حياة دمعة الكرار منتدى الامام الحسن المجتبى (سلام الله عليه) 8 01-11-2011 01:42 AM
ذكرى ولادة الامام الحسن الزكي عليه السلام عاشقة النور منتدى الامام الحسن المجتبى (سلام الله عليه) 8 27-08-2010 12:54 AM
الحسن الزكي (عليه السلام) كوثر المحبة منتدى الامام الحسن المجتبى (سلام الله عليه) 6 03-02-2010 01:54 PM


أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

Loading...

Powered by vBulletin® Copyright ©2000 - 2024, Jelsoft Enterprises Ltd. TranZ By Almuhajir
جميع الحقوق محفوظة لمنتديات احباب الحسين