شفت طيف أبمنامي * أبوي حسين ضامي
عليله وفارگوني * أضنهم ما يجوني
***********************************
صبح هـــذا المنام ابگلبي ناريـن * نار ابگلـــبي تسـعر
نار افراگ ابوي ونار الونـــــــين * بيهن گلــــبي جــمر
عليله وگلـــي ادير الوجه لاويــن * بقــيت انــه أتمـرمر
اضل مناطره ابهل الدرب يحسين * نفذ صــبري وتبخر
مثلكم صار حالي * الجره اعليكم جرالي
شفت آنه ابمنامي عودي عطشان * شفته آنه ابمــنامي
طايــــح علـــــثره وملتهبه نـيران * وعسكر يم خــيامي
وعبد الله الرضيع ابنحــره نيشان * شفته ابنحره دامي
وعماتي وخواتي ابنــص الأحزان * ما الهـن محـــامي
أبد لا مو ضنوني شفت أنه ابعيوني
شفت روس ابمنامي فوگ الأرماح * بيهن راس الحسين
يدور أعلليتـــامه الــــيفـر والــطاح * يدير ابعـينه الأثنين
يضوي الليل الهــــــم چنه مصــباح * ويسيل الدمع بلعين
دم عينه تصب وعـــــــلأرض ساح * الهم ضل نيـــاشين
يباري الضعن وخته * ذابل لون شفته
شفت صوب الشريعه امگطعه أچفوف * عمـــي ورايه يمه
جسمه اعللنــهر ورذرته الأســــــيوف * تعنيت ارد احشمه
شفت آنه السهم نابت علـــــى الشوف * تسيل العـــين دمه
والجربه ابدمعهه اتگـــــــطر أحروف * تكتب فيض هـمه
كتبت علشريعه عذراً يلوديعه
علي الأكبر اشوفه أمگطع أوصال * مطـــروح أويجــــسام
عليهم مدمعي اعللخد جره وسـال * راحــت رفعــــت الهام
بعد ياهو اليجيني امناطره اخـيال * أخوي وعــلأرض نام
شفت كل الجره اعليكم والأهـوال * گلبي امنلفــــرح صام
بعد ما يمر عيدي * جرت چلمه أبوريدي
****************
الشاعر الحسيني
عماد الدريعي
المواضيع المتشابهه
قصيده حسينيه منبريه لرقيه ع الشاعر عماد الدريعي
العرض العادي
