وداع الحسين والعباس عليهما السلام

[الشاعر ابو لقاء البهادلي]

بسم الله الرحمن الرحيم
اللهم صل على محمد وال محمد وثبتنا على ولايتهم
القصيدة التالية مليئة بالصور الحزينة00كتبتها في شهر محرم الماضي وفي كل مجلس يطلبون مني اعادتها واقرأها بالدمع والالم وانسى نفسي
اثناء الالقاء لتفاعلي مع الكلمات00اهدي قصيدتي الى هذا المنتدى المبارك بمديره العام ومشرفيه ومراقبيه واعضاءه وجميــــع الزوار الموالين
وارجو ان تدعوا لي بالتوفيق لخدمة محمد وال محمد صلوات الله عليهم0

شكولن عن وداع حسين والعباس**وبوسط الكلب ملتهبـــــــــه نــــــــــيراني

وداع الصار بين الغالي والمحبوب**يهل دمعة حزن من يوصفه لســــــــاني

تلاكو والدمع يتلاله عالخديــــــن**خلــــــــــه تراب طفـــــــه يصير نورانــي

مودمع ايتطاير جنه نور الله **بجت الاملاك كلهه وناحــــــــــت اكوانـــــــي

يكله شهالدمــع ياسيدي ومولاي**يكله موقفـــك عبـــــــــــاس بجــــــــــــــاني

تعال اكرب يبو فاضل يبعد الروح**افتحلك مهجــــــــــتي ونــــــام باحضاني

كلي ناوي وين تروح يالعباس**من شفته الجـــــــــــوادك غير الوانـــــــــــــي

ماريدك تضيف جروح فوك جروح*تدري اشكد مصايب دهري راوانــــــــي

شكل لختك لون تسألني من تروح**كفيلج راح اكلهه الوحـــــــــدي خلاني

يكله سيدي ارد اسكي هالرضعان**دمعي من القهر جمرات بأجـــفاني

اطفال المخيـــم سيدي ينوحون**وعبدالله الرضيع بدمعه هزانــــــــي

ما احمل اشوفن دمعة الاطفال**عطشــــهم والهضم بالروح جوانـــي

موقصدي الحرب ناوي اجيب الماي**وصوت اسكينه يابواليمه ناداني

يكله الجود عوفه ومانريد الماي**كلامـــك يالكفيــل بكلبي اذانـــــــــي

اخاف اتروح ياعباس ما ترجع**وما تقبل لخيك يبقـــــــــه وحـــداني

تدري بهالعمر ماينفع بليـــــاك**وتعرف زين همي ولوعــــة احزاني

وتدري مابقالي احد ينور العين**كلـــــهه امدده عالغبـــره صحبانـــي

وعينك هالتشو ف اولادي مذبوحين**وطاحت كلهــــــه ياعباس خوانـي

تدري لو رحت جم روح تمشي اوياك**يحزام الظهر يانور وجدانــــي

ولو شفتك صريع مكطع الجـــــــــفين**ظهري ينكســــر ويطيح بنياني

ولوطاحت جفوفك كلشي مني يطيح**تطيح اوياهه يابو الغيره جنحاني

وتعمه عيوني لو صاب السهم عيناك**وبعدك ينكشف ويميل صيوانــي

ماريدك تظن بيه انا العطشــــان**جودك ياكمــــر من صغري روانــي

انا اترجاك ياعباس لا تطلـــــع**خلهه من العطــــش تتلوه رضعـــاني

يسبع الكنطره انت السند والسور**ياحامل لوائــــي وتاج عنوانـــــــــي

تره اعيالي بغيابك بالبراري اتهيم**وكلهه تنسبي ياخويه نســـــــــواني

جدح نار الكمر واختاض حتى الكون**وكله ياامامي وزهرة ايمانـــــي

ما اكدر اشوفك سيدي محتــــــار **الك دمي وحياتي اتصير قربــــاني

بس احنه البقينه والمعين اللــــه**وامير المؤمنين بهاذي وصانـــــــــي

واخذ مني عهــد حلفني بالجفين**كلي بشاربـــــك يوليـــدي خلانــــــي

وسولفلي بدموعه كلشي راح يصير**ضمني الهالمصيبه اعليهه ربانـي

بس اثنين احنه وهالــــــعده الاف**اريد اول اموت وما احب ثـــــانـي

ما اكدر اشوفــــك منذبح مولاي**وجسمك ينسحك بخيول عـــــــدواني

انا اترجاك يامولاي خل ابرز**واحرك هالــــــعده بنيران بركانــــــي

ما دامك يبو فاضل مصـر اطلع**وبعـــــدك هالاجل ادري يتــدنانــــي

يخويه ولو رحت سلملي عالاحباب**وخل جدي بعد ساعه يتلكانــــــي

وندماي***** راح اللي سند ظهري وندمـــــاي

بعد شيفيدني دمعي وندمــــــــــاي

ضحه بدمه من اجلي وندمــــــاي

اضحيهه بشرف لجل القضيـــــــه

من مواضيع الشاعر ابو لقاء البهادلي

» رَفعَة راس
» كلام الشهيد
» حشد الشعب
» منا عطاءُ الدم
» وصية الشهيد

[وعد عباس]

سلام الله على الأمام الحسين وأبو الفضل

قصيده رائعه جدا

شكرا ع الطرح

من مواضيع وعد عباس

» شموخ ,’ آلحزن
» عِدني أن أرآك ...
» إقتبآسآت
» الحثّ على المبادره الى صالح الأعمال - للأمام علي
» قمر العشق الحسيني

[اريج الجنه]

سلام الله على غريب الغربااء
جزيت خيرا اخي على القصيده

من مواضيع اريج الجنه

» عالم كالهواء نتنفسه ولا نراه
» يامن قد غره طول الامل
» بسكويت الرهش
» علاقة الالوان وتأثيرها على الانسان
» العدد الثاني من مجله احباب الحسين [يازينب]

[محـب الحسين]

سلام الله عليهما
بوركت اخي العزيز
جزاك الله أحسن الجزاء

التوقيع :

من مواضيع محـب الحسين

» الفرق بين الصوم والصيام
» قصيدة موسى بن جعفر على الجسر قوموا نشيعه
» زيارة الإمام الحسين عليه السلام في النصف من رجب مكتوبة
» قصيدة في رثاء الشهيد ابي مهدي المهندس(( جمال العراقيين ))
» سقراط والنوم المتأخر