ياربي فلانه انخطبت وانا لا ... دعوه للتحاور

[عاشقة الابتسامه]

الزواج قسمه ونصيب .. هذا شي الكل متفق عليه . والكل المفروض ماايتعارض مع الاقدار السماويه
بس في حياتنا تعالوا شوفوا شنو يصير ..

... طبعا الكل يعرف قعده البنات مو الكل البعض منهم



فلانه 1 : اهلين اخباركم سمعتوا ان فلانه انخطبت توني دقيت عليها وباركت لها
فلانه 2 : احلفي .. ماافيها ذره حلاوه عشان تنخطب .. ماادري كيف حظها هذي
فلانه 1: بالعكس مره اخلاق البنت وطيبه وحبوبه
فلانه2: انا احلى منها ودمي اخف منها .. والمشكله انها مريضه .. ماادري كيف هالدنيا
المريضه تنخطب وتكون عائله .. واللي ماافيها شي جالسه عند امها ..
^^^^^^^
ام فرحانه ان ولدها خطب .. دقت ع اختها .. وقالت لها ولدي خطب
لما سكرت الام
.. قالت الخاله الى بنتها الكبيره .. ماادورت تاخد الى ولدها الا هالبنت .. ماافيها شي زود
بنتي احلى منها .. والقريب اولى من البعيد .. ماادري ليش ماارفعت حظ بنتي .. هي الخسرانه ..
^^^^^^^^^^ ^^
قبل كم يوم كان عندي موعد في المستشفى ..
ورحت .. شفت ممرضتين يتكلمون .. وكان هذا الحوار
الممرضه 1: شفتي فلان اللي يشتغل في الاستقبال .. خطب فلانه ياعلي ماايناسبو بعض هو حركات
وكشخه .. وهي دبه وموحلوه .. شكله مااشاف وجهها .. بس عيونها اللي جذبته
الممرضه 2: قسمه ونصيب وكل واحد ياخد نصيبه في الحياه
<<< صراحه عجبني رد الممرضه الثانيه سكتتها
^^^^^^^^
لما الدكتور ياخد له وحده عاديه يقولون مااتناسبه اهو دكتور وياخده له وحده عاديه
لما ياخد دكتوره مثله .. يقولون اكيد مااراح ياخد وحده حيا الله .. لازم بياخد دكتوره مثله وتليق فيه
ونسوا شي اسمه القسمه والنصيب
وطبعا غيرها الكثير والكثير من المواقف ..
عندي بعد شي ثاني ..
الحين انتشرت ان الاخت الصغيره تتزوج قبل الكبيره .. وصار شي عادي في مجتمعنا ..
اعرف وحده .. عندها ثلاث خوات اصغر منها .. خواتها كلهم انخطبوا. وباقي اهي الكبيره
ذنب هالبنت ... نصيبها بعد مااجى .. ماله داعي النظره اللي مو حلوه لها
وكانها مسويه جرم كبير في حياتها ..
ماافيه بنت مااتبي تكون عائله وتكون لها حياتها الخاصه .. بس كل شي قسمه ونصيب
محاور النقاش ..
الزواج اصبح هاجس الفتيات ...؟؟ الى درجه ان البنت لما توصل الى 20 سنه تقول ياربي الى الحين ماانخطبت
وخاصه لما تشوف اللي قدها واصغر منها انخطبوا وكونوا عائله ...؟؟ وتناسوا شي اسمه القسمه والنصيب
الزواج في وقتنا الحالي .. اصبح مكمل للحياه .. او انه ضروره من ضروريات الحياه ..
ذنب البنت ان الاخت الصغيره تتزوج قبلها ...لو ذنب المجتمع .. او القسمه والنصيب ..
اتوقع نشوف المئات من هالمواقف اللي تصير في مجتمعنا ..
انا تكلمت بحكم الواقع اللي اشوفه .. طبعا مو الكل مثل اللي قلته .. بس ماايخلى المجتمع من هالانواع اللي ذكرتها

باانتظار ارئــــــــــــكم .. !!!

[عاشقة الجنه]

صدقتي أختي عشوقه يا ريت الامر على كذا بس مثل تزوجة البنت وهي عمره 18 يقول صغير ليش مستعجله على زوج ولو تزوجة وعمره 28 يقول ماصدقكة تزوج والله

ناس فضيه والله تصدقي ان في ناس اذ واحد خواته الصغر منه تزوج وجاء نصيبه يقول كل خواته الصغر منه تزوج وجبو عيال وهي توه تزوج لاحول ما خلصت منه لابعد ولاقبل ياريت على كذا وبس مع الاسف في بعض الامهات يبون بناتهم تزوج وبس ماتفكر شلن تعلم بنتها امور الحياه تكون عند المسؤليه البنات اليوم صرهم تزوج لطلع

ولباس وبس مع الاسف وتشوفي بعض الامهات تقول البنته تعدلي وتشيكي ولبسي عش الناس تشوف تخطباك انا موضد البنات بس تلبس وتهتم بنفسه بشرط اني راح

الباس وتعدل للناس كل ام تدعي البنات وهذا اهم شي وعلى كل ام تهيى بنتها لزوج ولو بعد 30 سنه هذا نصيب متى ماالله شاء بإذنه سبحانه وعلى كل البنات يتوجهو الى

الله بقلب صدق والاعمال وعند سمع عن بنت نخطبت تقول يارب وفقه والمؤمنين ربي يختبر عباده والحمدالله وربي يرزق كل امات محمد كل خير اللهم صل على محمدوال محمد:a:

[ريماوي]

موضوع قيم ورائع أختي عشوقه
تكمله لقصه جنتي ^ ^
الأدهى والأمر من كذا تشوف الآم تبحث الولدها البنت الصغيره حتى لو كان ولدها طاف الثلاثين تبقى بنت سبعتعش أو ثمنتعش
وتترك البنات الأكبر حتى لو كانو أخلاقهم طيبه وعندهم جمال لكن الآم تآآآخذ الصغيره ..
وهذي موضه عندنآ
وآصلآ فرق العمر يلعب دوره
لكن ...
الله يوفق كل متزوج
ويرزق كل عزابي بالزوج/ه الصالح/ه


وكان الله غفورآ رحيمآ

وربي يسعدك خيتي عشوقه ويزوجك ويرزقك الذريه الصالحه >> إنحرجتي؟ ^_^

دمتم أعزائي بكل ود ..

[عاشقة الابتسامه]

شاكره مروركم وتعقيبكم

اكيد ريمااوي انحرجت

كافي استحي ههه

نورتِ انت وعاشقه

[راحيل]

هذا المجتمع ما يعجبه شئ لا الي تزوجت ولا الي ما تزوجت تسلم من هذا المجتمع
اشكرك غاليتي على الموضوع المهم
الله يوفق كل المتزوجين ويزوج كل عزابي باالزوج والزوجة الصالحة
تحياتي لك

[عاشقة الابتسامه]

صدقتي اختي راحيل

لكن الله يعين من هذا الزمن

نورتِ

[أم خولة]

الا احب اقوله رضى الناس غايه لا تدرك:65:

[عاشقة الابتسامه]

نورتِ اختي

[خادم الائيمه]

السلام عليكم ورحمة الله وبركاته