معنى الاخو :::: للشاعر صادق رحيم الجبوري [الأرشيف] - منتديات احباب الحسين عليه السلام

احمد رفيش

18-07-2009, 12:40 PM

معنى الاخو لا ما يصح ولا ينـفـهـــم لايتـضـــــح
بس انت يا عباس جسدتـــه بــرض الطـــف 000
****ــــــــــــــــــــــــــــــــــــــــــــــ ــــــــــــــــــــــــــــــــــــــ****
من كبــــل عـــالم الـــذر انت لحسيــــن العضيد
وسمـك ويسمه انــــدمج كبـــــل لاتنـــزل وليـــد
وصرت روح حسين انت وروحك حسين الشهيد
بعالــم الـــذر انــــردت من كبــــل ادم صـــــرت
وبالــــولاده تبسمت مـــن شفــت وجها السعيـــد
وبانت مراسيمه الفــرح بوجهـــك يعباس اتضــح
وكل ما غمض وكل ما وضح
بس انت يا عباس جسدتـــه بــرض الطـــف 000

****ــــــــــــــــــــــــــــــــــــــــــــــ ــــــــــــــــــــــــــــــــــــــ****

خلي نرجـــع بالـــزمان ونفتح اوراق الاخــــوه
نشـــوف هابيل ابن ادم منهو اصبحلـــه عـــدوه
ومنهو طر منه الجبين ومــــا رع بيـه المـــروه
قابيـــــل بايـــــع خوتـــــه غـــدرتة الدنيــــة وغــــرتـه
تالي بندمها صابتـــه والفــــرح عن عينـــه طـــوه
وخيم علي كـــــل الحـــزن وأرشــــدة الطيــــر عللـدفــن
وحمــــل الاخو هدلـــه المتن
بس انت يا عباس جسدتـــه بــرض الطـــف 000

****ــــــــــــــــــــــــــــــــــــــــــــــ ــــــــــــــــــــــــــــــــــــــ****

ونرجــع ونسأل اليوسف جم اخــو جانولـــه ذيب
لطخـــو بالـــــدم قميصــــه وليش ذبـــو بالجليب
وليش ما راعـــــو الخـــوه هالامـــر جداً عجيب
اله من الخــوه احــدعش ونهشــــو بجسمــــه نهش
ما كلب منهـــــم رعش من وكــع يوسف خضيب
وانت الفلك جان انطــــوه لــــو شفت ابو اليمــه هوه
معنى الاخــو بكـــل ماحــــوه
بس انت يا عباس جسدتـــه بــرض الطـــف 000
انت شال الماي جفــــك من نزلت عللنهــــر
الماي راد يمس شفافك ويطفي جمرات القهر
شفت وجه حسين بالجف ونحنه بيك الظهـــر
عباس ونسيــــــت الضمـــة ومن جفــك الماي ارتمـــة
منذكرت بن فاطمة بالعطش كلبــــــه تفطــــــر
من خـــــــوتك يابا الفضــــل صــــار علكـــل خوه فضل
وهــــذا الفعــــــل لاما حصل
بس انت يا عباس جسدتـــه بــرض الطـــف 000
****ــــــــــــــــــــــــــــــــــــــــــــــ ــــــــــــــــــــــــــــــــــــــ****
وشاهد اليوم العــراق وشوف بي منظـرالدمعـــة
وشوف بي دم المناحـــر السفكتـة ساسة البدعـــة
الخذت تفتي بــلا ضمير وصـوتها لاك اليسمعــة
سني على شيعــي يندفـــع والنـاصبي يهيـــج الوضــــع
وصار النصح ما ينسمــع والذبح بي صار صنعــة
يابا الفضل بصوت الدمـع نشكيلك تعيـد الـــــوضــــع
معنى الاخو بكل ما جمـع
بس انت يا عباس جسدتـــه بــرض الطـــف 000
****ــــــــــــــــــــــــــــــــــــــــــــــ ــــــــــــــــــــــــــــــــــــــ****
عليك معنى الاخومحني من طحت يابا الفضـل
ياشهـــــم منك الخــــوة والــك بالخــوة فضـل
وبين خوت كـل زمان وللابد انت الـــوصــل

درة البـــاري وحيــــدرة درة البـــاري وحيــــدرة
لحســـين انت بعاشــــرة درة البـــاري وحيــــدرة
عبـاس تــاج المفخــــرة درة البـــاري وحيــــدرة
معنى الاخــــوه سطـرة درة البـــاري وحيــــدرة

وريت من هـــذي الاخــوة يتعض شعب العـــراق 000

****ــــــــــــــــــــــــــــــــــــــــــــــ ــــــــــــــــــــــــــــــــــــــ****

للشاعر خادم الحسين علية السلام / صادق رحيم كريم الجبوري0000