قصيدة يلماشي لارض الشام

[علي المكصوصي]

بسم الله الرحمن الرحيم
يالماشي لارض الشام مر بكًبرها
يم زينب اقرة بشوكً اية صبرها
من دمعي اخذ مرسال
روحي بجنح دلال
كًلبي اسير الشوك يبجي ليسرها
*******************
صبرج اجيبة منين واحمل جروحي
وانة بدموع العين يتوضة نوحي
وية النسيم الهاب ياعيني روحي
واخذي اعلة جنح الشوكً ملهوفة روحي
ياعيني للخلان
سوي الرمش جنحان
وطشي العمر ريحان فدوة لعمرها
********************
حضرتها شمس الكون طافت عليها
واجب زحف لهناك انة اعتنيها
من امشي لارض الشام اذكر سبيها
ومن ارجع اذكر روس ردت بديها
تخنكني العبرات
تشهكًني الاهات
تاخذني اللوعات واتبع اثرها
****************
مثل المخيم هاي بضلوعي نيران
وبعيني شح الماي بيش اطفي الاحزان
لزيارة الحوراء دلالي عطشان
جرحي اعلة باب الليل خليتة سهران
وبروحي ماظل حيل
شمعة وكًضاهة الليل
لوجرحي فوكً جبال جافت صخرها
تسألني ليش الروح سموها زينب
بت زينة النسوان ووالدها زين أب
صار الكًلب بلشوك لهواها مذهب
من روحي للدلال بت حيدر اقرب
لونوخت هالنوكً
ماتحمل من الشوكً
حتى الورد ينثال دمعة لذكرها
********************
من كربلة للشام مثل اليتامة
كل شيعي دز مرسال حبة وهيامة
حتى الفرات اليوم يبعث سلامة
ويرد عكس جاريه لبحر الكرامة
من كعبة النوماس
جايب وفة العباس
دز غيرتة العباس تحرس خدرها
******************
نسألكم الدعاء
كلمات
سيد علي المكًصوصي
27\4\2009

[عاشقة الابتسامه]

كلمات جدا مؤثره

الله يسلم اياديك

دمت ودام عطاائك